VIDEO: ગુજરાતમાં આગામી 7 દિવસ સામાન્યથી મધ્યમ વરસાદની આગાહી, ચોમાસાની મોસમમાં 15 ટકાની ખાધ નોંધાઈ
છેલ્લું અપડેટ : 02 Sept 2026
સોર્સ : gstv
હવામાન વિભાગ દ્વારા રાજ્યમાં આગામી 7 દિવસ દરમિયાન સામાન્યથી મધ્યમ વરસાદ પડવાની મહત્વની આગાહી કરવામાં આવી છે. હાલમાં દક્ષિણપશ્ચિમ-પશ્ચિમના પવનો ફૂંકાઈ રહ્યા છે અને મોનસૂન ટ્રફ, સાયક્લોનિક સર્ક્યુલેશન, વેસ્ટર્ન ડિસ્ટર્બન્સ તેમજ ટ્રફ જેવી વિવિધ હવામાન સિસ્ટમ સક્રિય હોવા છતાં ભારે વરસાદની શક્યતા ઓછી વર્તાઈ રહી છે. ચાલુ સિઝનમાં અત્યાર સુધી રાજ્યમાં સરેરાશ 514 mm વરસાદ નોંધાયો છે, જે સામાન્ય રીતે થતા 605 mm વરસાદની સરખામણીએ 15 ટકા ઓછો છે. સિઝનનો સામાન્ય કરતા ઓછો વરસાદ નોંધાતા ખેડૂતો અને તંત્ર હવે આગામી દિવસોમાં સારા વરસાદની રાહ જોઈ રહ્યા છે.
