VIDEO/ Ahmedabad: એસ.જી હાઈવે પર જીવલેણ અકસ્માત, બેરિકેટના પતરા પડતા રિક્ષામાં બેઠેલા મુસાફરનું કમકમાટીભર્યું મોત
છેલ્લું અપડેટ : 03 May 2026
સોર્સ : GSTV
અમદાવાદના એસ.જી. હાઇવે પર YMCA ક્લબ નજીક એક ગંભીર અકસ્માતની ઘટના સામે આવી છે. બ્રિજના કામકાજને કારણે મુકાયેલા ડાયવર્ઝન બેરિકેટના પતરા અચાનક ચાલુ રિક્ષા પર પડતાં આ કરુણ અકસ્માત સર્જાયો હતો. આ દુર્ઘટનામાં રિક્ષામાં બેઠેલા એક મુસાફરનું ઘટનાસ્થળે જ કમકમાટીભર્યું મોત નીપજ્યું છે.
જાણવા મળતી વિગતો અનુસાર, રિક્ષામાં બાંધકામ સાઇટ પર કામ કરતા શ્રમિકો સવાર હતા. અન્ય ઈજાગ્રસ્ત મુસાફરોને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે. અચાનક બનેલી આ ઘટનાને પગલે વિસ્તારમાં અફરાતફરી મચી ગઈ હતી. ટ્રાફિક પોલીસે ઘટનાસ્થળે પહોંચી તપાસ હાથ ધરી છે અને બેદરકારી અંગે વધુ કાયદેસરની કાર્યવાહી શરૂ કરી છે.
