AMC જુનિયર ક્લાર્કની પરીક્ષા રદ કરવાની માગ, એક્ઝામિનેશન કમિટીએ આપ્યો આ જવાબ

અમદાવાદ મનપામાં જુનિયર ક્લાર્કની ભરતી માટે આજે અમદાવાદના અલગ અલગ સેન્ટર પર પરીક્ષ લેવામાં આવી હતી. જેમાં મોટા ભાગના સેન્ટરો પર શાંતિપૂર્ણ માહોલમાં પરીક્ષા સમાપ્ત થઈ હતી. જોકે,  સરખેજમાં આવેલી કુવૈસ પ્રાથમિક શાળામાં AMC જુનિયર ક્લાર્ક પરીક્ષામાં હોબાળો થયો હતો. પરીક્ષાર્થીઓને આપવામાં આવેલી OMR સીટ અને બેઠક ક્રમાંકમાં ફેરફાર હોવાના કારણે પરીક્ષાર્થીઓએ હોબાળો મચાવ્યો હતો. પરીક્ષાર્થી પેપર ફૂટ્યું હોવાનો દાવો કર્યો હતો. બીજી તરફ AMCએ આ દાવાને નકારી દીધો છે.

પેપર ફૂટ્યું હોવાના દાવા બાદ યુવરાજસિંહે પણ ટ્વીટ કર્યું

આ મામલે પરીક્ષાર્થીએ આક્ષેપ કરતા જણાવ્યુ કેસ પરીક્ષા પહેલા પરીક્ષાર્થીઓને ચેકિંગ કરવામાં નથી આવ્યા. જ્યારે ક્લાસરૂમમા ગયા ત્યારે કોઈ હાજરી પણ નહોતી લીધી. જે બાદ પોણા એક વાગ્યે ઓએમઆર શીટ અને આન્સર શીટના નંબરમાં ફેરફાર જોવા મળ્યો. જ્યારે હોબાળો કરીને નીચે આવ્યા ત્યારે 8 નંબરની રૂમમાં કેટલાક વિદ્યાર્થીઓ પેપર સોલ્વ કરી રહ્યા હતા. પરીક્ષાર્થીઓએ પેપર ફૂટ્યું હોવાનો દાવો કર્યા બાદ વિદ્યાર્થી નેતા યુવરાજસિંહ પણ ટ્વીટ કર્યું હતું અને સરખેજના કેન્દ્ર પર પહોંચી ગયા હતા. પરીક્ષાર્થીઓ સહિત યુવરાજસિંહે પરીક્ષા રદ કરવાના માગણી કરી રહ્યા છે.

આ પણ વાંચો: અમદાવાદમાંથી વધુ એક પરીક્ષાનું પેપર ફૂટ્યું!, સરખેજની પ્રાથમિક શાળામાં ઉમેદવારોનો હોબાળો