VIDEO: વટવા વોર્ડમાં કોંગ્રેસ દ્વારા સોએબઅલી રાજપૂતને ટિકિટ અપાતા વકર્યો વિવાદ, શહેર પ્રમુખે કર્યો બચાવ
છેલ્લું અપડેટ : 07 Apr 2026
સોર્સ : GSTV
અમદાવાદના વટવા વોર્ડમાં કોંગ્રેસ દ્વારા સોએબઅલી સાબિરઅલી રાજપૂતને ટિકિટ અપાતા વિવાદ વકર્યો છે. ઉમેદવાર સોએબઅલી અગાઉ આમ આદમી પાર્ટીના કાર્યક્રમોમાં અને તેમના પિતા ભાજપના કાર્યક્રમોમાં દેખાયા હોવા છતાં ટિકિટ મળતા સ્થાનિક આગેવાનોમાં ભારે રોષ છે.
આ મામલે કાર્યકરોએ ભરતસિંહ સોલંકી અને શહેર પ્રમુખ સોનલ પટેલ સમક્ષ ઉગ્ર રજૂઆત કરી હતી. જોકે સોનલ પટેલે બચાવ કરતા જણાવ્યું કે સોએબઅલી છેલ્લા ત્રણ મહિનાથી સંગઠનમાં સક્રિય હોવાથી ટિકિટ અપાઈ છે. વટવામાં નવા નિશાળીયાને પ્રાધાન્ય મળતા પાયાના કાર્યકરોમાં ભારે અસંતોષ ફેલાયો છે અને વિરોધની આગ ભભૂકી ઉઠી છે.
