અમદાવાદ: પોશ વિસ્તારમાં 20 વર્ષથી પ્રેક્ટિસ કરતો બોગસ તબીબ ઝડપાયો, લાયસન્સ વગર ક્લિનિક ચલાવતો

રાજ્યમાંથી અવારનવાર બોગસ તબીબો ઝડપાય છે, ડિગ્રી વગર હાટડીઓ ખોલીને લોકોના આરોગ્ય સાથે ચેડા કરે છે. ત્યારે આવો જ એક બોગસ તબીબ અમદાવાદના મેમનગર વિસ્તારમાંથી ઝડપાયો હતો. અમદાવાદની યુનિવર્સિટી પોલીસે આ બોગસ તબીબની ધરપકડ કરી હતી.

આ પણ વાંચો: જામનગર-રાજકોટ હાઈવે પર કાર અને ટુ વ્હીલર વચ્ચે ભયાનક અકસ્માત, એક જ પરિવારના 3 સભ્યોના મોત

ઝડપાયેલ ડોક્ટર મેડિકલ ડિગ્રી કે લાયસન્સ વગર કરતો હતો પ્રેક્ટિસ

આ ઝોલાછાપ તબીબનું નામ રૂહીદાસ ઢાલીની છે. છેલ્લા 20 વર્ષથી આ તબીબ બોગસ ક્લિનિક ચલાવતો હતો. ઝડપાયેલ ડોક્ટર મેડિકલ ડિગ્રી કે એલોપેથી દવા બાબતે કોઈ લાયસન્સ વિના પ્રેક્ટિસ કરતો હતો. મેમનગરના ગોપાલનગર વિભાગ 4 ના મુખ્ય રસ્તા પર મનીક્લિનિક નામે દવાખાનું ચલાવતો હતો.