VIDEO: ધોળકાનું બદરખા ગામ છેલ્લા 20 દિવસથી જળબંબાકાર, ગ્રામજનોમાં રોષ
છેલ્લું અપડેટ : 03 Aug 2026
સોર્સ : gstv
અમદાવાદ જિલ્લાના ધોળકા તાલુકાનું બદરખા ગામ ભારે વરસાદ વિરામ લીધાના દિવસો બાદ પણ પાણીમાં ગરકાવ રહેતા બેટમાં ફેરવાઈ ગયું છે. નીચાણવાળા વિસ્તારોમાં કમરબૂડ પાણી ભરાવાથી લોકો બેઘર બન્યા છે અને ગામની પ્રાથમિક શાળા આશ્રયસ્થાન બનતા બાળકોનું શિક્ષણ કાર્ય સંપૂર્ણપણે ઠપ્પ થઈ ગયું છે. વહીવટી તંત્રની નિષ્ક્રિયતા સામે ગ્રામજનોમાં ભારે રોષ જોવા મળી રહ્યો છે. સામાજિક કાર્યકર પ્રકાશસિંહ ડયા અને પીડિત પરિવારોએ તંત્ર પર બેદરકારીના આક્ષેપ કર્યા છે. ત્વરિત પાણીના નિકાલ અને સરકારી સહાયની માંગ સાથે ગ્રામજનોએ આગામી ચૂંટણીઓનો બહિષ્કાર કરવાની ચીમકી ઉચ્ચારી છે.
