VIDEO: વિશાળ વૃક્ષ અચાનક માર્ગ પર ધરાશાયી
છેલ્લું અપડેટ : 24 Jul 2026
સોર્સ : GSTV
અમદાવાદ શહેરના મીઠાખડી વિસ્તારમાં ભારે પવન અને વરસાદને કારણે એક વિશાળ વૃક્ષ અચાનક માર્ગ પર પસાર થઈ રહેલી કાર પર ધરાશાયી થયું હતું. આ અણધારી ઘટનાને કારણે ચાલુ વાહને ભારે નુકસાન થયું હતું અને થોડીવાર માટે આસપાસના વિસ્તારમાં ભયનો માહોલ સર્જાઈ ગયો હતો. સદનસીબે, આ અકસ્માતમાં કારમાં બેઠેલા સવારોના સમયસૂચકતાના કારણે કોઈ મોટી જાનહાની થઈ ન હતી પરંતુ વાહનને વ્યાપક નુકસાન પહોંચ્યું છે. ઘટનાની જાણ થતાં જ મ્યુનિસિપલ કોર્પોરેશનની ગાર્ડન અને ફાયર વિભાગની ટીમ તાત્કાલિક ઘટનાસ્થળે દોડી આવી હતી.
