VIDEO: વારાણસીમાં ઘૂંટણસમા પાણી ભરાતાં વાહનવ્યવહાર સંપૂર્ણ ઠપ્પ, ઘરો અને દુકાનોમાં પાણી ઘૂસતા કાશીવાસીઓ મુશ્કેલીમાં મુકાયા
છેલ્લું અપડેટ : 31 Aug 2026
કાશીમાં મેઘરાજાનો કહેર
ધોધમાર વરસાદથી વારાણસી જળબંબાકાર!
વારાણસીમાં ઘૂંટણસમા પાણી ભરાતાં વાહનવ્યવહાર સંપૂર્ણ ઠપ્પ
ઉત્તર પ્રદેશની ધાર્મિક નગરી વારાણસીમાં ૩૦ ઓગસ્ટે પડેલા ભારે વરસાદે સમગ્ર શહેરમાં ભારે અફરાતફરી મચાવી દીધી છે. કલાકો સુધી અવિરત વરસેલા મુસળધાર વરસાદને કારણે શહેરના મુખ્ય માર્ગો, શેરીઓ અને નીચાણવાળા વિસ્તારો સંપૂર્ણપણે જળબંબાકાર થઈ ગયા છે. અચાનક આવેલી આ આફતના કારણે કાશીવાસીઓનું જનજીવન સંપૂર્ણપણે અસ્તવ્યસ્ત બની ગયું છે. શહેરના પ્રમુખ વિસ્તારો જેવા કે ગૌડોલિયા, લંકા અને સિગરામાં માર્ગો પર ઘૂંટણસમા પાણી ભરાઈ જવાથી વાહનવ્યવહાર ઠપ્પ થઈ ગયો છે. માર્ગો પર અનેક વાહનો બંધ પડી જતાં વાહનચાલકો ભારે મુશ્કેલીમાં મુકાયા હતા. આ ઉપરાંત, દુકાનો અને નીચાણવાળા ઘરોમાં વરસાદી પાણી ઘૂસી જતાં સ્થાનિક વેપારીઓ તેમજ રહાશોને મોટું આર્થિક નુકસાન વેઠવાનો વારો આવ્યો છે.
ઘરો અને દુકાનોમાં પાણી ઘૂસતા કાશીવાસીઓ મુશ્કેલીમાં મુકાયા
સતત વરસાદથી શહેરની ડ્રેનેજ સિસ્ટમ ધ્વસ્ત, તંત્ર દોડતું થયું!
વિશ્વપ્રસિદ્ધ ગંગા ઘાટો પર પણ આ મુસળધાર વરસાદની સીધી અસર જોવા મળી રહી છે. વરસાદના કારણે ઘાટની સીડીઓ પર પાણી ફરી વળ્યા છે, જેનાથી દૂરાસુરેથી આવેલા શ્રદ્ધાળુઓ અને પ્રવાસીઓને સુરક્ષિત સ્થળે ખસી જવાની ફરજ પડી છે. પવિત્ર ધામમાં દર્શનાર્થે આવેલા ભક્તો માટે વરસાદી પાણી અને રસ્તાઓ પર ભરાયેલા જળ વચ્ચેથી પસાર થવું અત્યંત મુશ્કેલ બન્યું છે. સ્થાનિક વહીવટીતંત્ર અને મ્યુનિસિપલ કોર્પોરેશનની ટીમો દ્વારા પાણીના નિકાલ માટેની કામગીરી હાથ ધરવામાં આવી છે. જોકે સતત વરસી રહેલા વરસાદને કારણે રાહત કામગીરીમાં ભારે વિઘ્નો આવી રહ્યા છે. હવામાન વિભાગ દ્વારા હજુ પણ આગામી સમયમાં વરસાદની સંભાવના વ્યક્ત કરવામાં આવી હોવાથી તંત્ર દ્વારા લોકોને બિનજરૂરી બહાર ન નીકળવા અને સાવચેતી રાખવા અપીલ કરવામાં આવી છે.
બ્યૂરો રિપોર્ટ જીએસટીવી