Salman Khanના બોડીગાર્ડ શેરાની નેટવર્થ જાણી ચોંકી જશો, જાણો કેવી રીતે થઈ મુલાકાત
છેલ્લું અપડેટ : 30 Jul 2025
સલમાન ખાનના અંગત અને વ્યાવસાયિક જીવનમાં ઘણાં ઉતાર-ચઢાવ આવ્યા, પરંતુ એક વ્યક્તિ જે હંમેશા તેમની સાથે રહી તે છે તેમનો બૉડીગાર્ડ શેરા. છેલ્લાં કેટલાંક વર્ષોમાં આપેલા ઇન્ટરવ્યૂમાં શેરાએ સલમાન પ્રત્યેની પોતાની નિષ્ઠાનો ઉલ્લેખ કર્યો છે અને મરતાં દમ સુધી તેમની સેવા કરવાનો પ્રણ લીધો છે. શેરાએ તે મુશ્કેલીઓનો પણ ઉલ્લેખ કર્યો છે જે સલમાને તેમની સાથે કામ કરતી વખતે ભોગવી હતી. શેરાનો જન્મ મુંબઈના અંધેરીમાં એક પંજાબી શીખ પરિવારમાં થયો હતો અને તેમનું અસલી નામ ગુરમીત સિંઘ જોલી છે. બૉડી બિલ્ડિંગના શોખને કારણે તેમણે 11મા ધોરણમાં જ સ્કૂલ છોડી દીધી હતી. તેમણે 1987માં જૂનિયર મિસ્ટર મુંબઈનું ટાઇટલ જીત્યું હતું અને 1987-88માં જૂનિયર મિસ્ટર મહારાષ્ટ્રમાં બીજા નંબરે રહ્યા હતા.
2011માં આપેલા એક ઇન્ટરવ્યૂમાં શેરાએ કહ્યું હતું, "તેઓ મારા પાડોશી હતા, અમે સાથે મોટા થયા હતા, તેમના ભાઈ સાથે મારા ખૂબ સારા સંબધ હતા. તેમણે મને કહ્યું, 'તું સુરક્ષા કેમ નથી કરતો?' તેથી, મેં વિઝક્રાફ્ટ સાથે કામ શરૂ કર્યું." શેરાએ 1997માં સલમાન સાથે કામ શરૂ કર્યું, જ્યારે સોહેલ ખાને તેમને ઇન્દોરમાં ભાઈની સુરક્ષાનું કામ સોંપ્યું હતું. આ પહેલાં, તેમની થોડા સમય માટે મુલાકાત થઈ હતી જ્યારે શેરા ભારત પ્રવાસ દરમિયાન હૉલીવુડ સ્ટાર કિયાનુ રીવ્સની સુરક્ષા સંભાળી રહ્યા હતા. શેરાએ કહ્યું, "મેં હમણાં જ મારી કંપની-ટાઇગર સિક્યુરિટી- શરૂ કરી હતી અને તે વર્ષે (1995) સોહેલ ભાઈએ મને બોલાવ્યો કારણ કે તેઓ ઇચ્છતા હતા કે કોઈ સલમાન સાથે શો માટે જાય. સોહેલ ભાઈ મારી વાતચીતની રીતથી ખૂબ પ્રભાવિત થયા. તેમણે મને પૂછ્યું: 'એ યાર, ભાઈ સાથે તું રહીશ? રહીશ ને?' ડીલ પાક્કી થઈ ગઈ. "તે સમયે હું પાઘડી પહેરતો હતો. હું શીખ છું. મારી નોકરીને કારણે મારે પાઘડી ઉતારવી પડી. ભીડને કારણે તેને રાખવું શક્ય નહોતું. તેથી મારે મારા વાળ કપાવવા પડ્યા. મેં ટોપી પહેરવાનું શરૂ કર્યું. અમે એક શો માટે ગયા અને..."
'બૉડીગાર્ડ'ના ટ્રેલર લૉન્ચ ઇવેન્ટમાં શેરાએ કહ્યું હતું, "હું તેમના માટે ગોળી ખાવા તૈયાર છું. પરંતુ ભાઈ વાસ્તવિક જીવનના બૉડીગાર્ડ છે; જો જરૂર પડે તો તેઓ પોતાના પરિવાર અને મિત્રો માટે 10 ગોળીઓ પણ ખાઈ શકે છે." આ જ ઇવેન્ટમાં સલમાને શેરા પરના પોતાના ભરોસાનો ઉલ્લેખ કર્યો હતો. તેમણે કહ્યું, "હું દરેક બાબતે તેમના પર ભરોસો કરી શકું છું. હું પૈસાની બાબતે, સ્ત્રીઓની બાબતે, મારા પરિવારની બાબતે, મારા જીવનની બાબતે તેમના પર ભરોસો કરી શકું છું. હું દારૂ પીતા પહેલાં અને પછી પણ તેમના પર ભરોસો કરી શકું છું."
ટ્રેલર લૉન્ચ ઇવેન્ટમાં સલમાને નશામાં ધૂત શેરાનો એક કિસ્સો યાદ કર્યો, જે બધાને બૉક્સિંગ મૅચ માટે પડકારી રહ્યો હતો. "મને યાદ છે એક રાત, બધાએ થોડું વધારે પીધું હતું, અને અચાનક, તેઓ એકબીજા સાથે લડવા માંગતા હતા. મેં જમીન પર શરીર પટકાતાના અવાજો સાંભળ્યા, અને જોયું કે મારા જીજા અતુલ અગ્નિહોત્રીનું મોં આશ્ચર્યથી ખુલ્લું રહી ગયું, કારણ કે શેરા પૂરી ફૉર્મમાં હતો. પછી તેમણે મને બોલાવ્યો, અને મને ચીડવતાં કહ્યું, 'આજે તારી સુરક્ષા માટે કોઈ બૉડીગાર્ડ નથી.' મેં તેને શાંત રહેવા કહ્યું, પરંતુ તે માન્યો નહીં. તેથી મેં ગ્લોવ્ઝ પહેર્યા અને જોયું કે શેરા મારી તરફ દોડી રહ્યો છે. મને એક લકી શૉટ મળ્યો અને હું જાણતો હતો કે મારે તેને પલટાવીને મારવાની તક ન આપવી જોઈએ, તેથી હું તેને મુક્કા મારતો રહ્યો જ્યાં સુધી તે નીચે પડી ગયો. શેરા એટલો નશામાં હતો કે રડવા લાગ્યો. તે કિચનમાં ગયો, એક ટૂથપિક લઈને આવ્યો, અને તેનાથી પોતાને નુક્સાન પોંહચાડવા લાગ્યો. 'માલિક, હું તારા માટે કંઈ પણ કરી શકું છું.'"
એવું કહેવાય છે કે શેરાની કુલ સંપત્તિ 100 કરોડ રૂપિયા છે. 2024માં શેરાએ 1.4 કરોડની રેન્જ રોવર ખરીદી હતી, જેના પછી તે ખૂબ ચર્ચામાં આવ્યો હતો. તે સમયે લોકો તેની નેટવર્થ વિશે પણ વાત કરતા હતા, જે લગભગ 100 કરોડ રૂપિયા આંકવામાં આવે છે. શેરાનું અસલી નામ ગુરમીત સિંઘ છે અને તે મુંબઈના શીખ પરિવાર સાથે સંબંધ ધરાવે છે. સલમાનનો બૉડીગાર્ડ બનતા પહેલાં તે બૉડી બિલ્ડિંગમાં હતો. તેમણે બૉડી બિલ્ડિંગમાં મિસ્ટર મુંબઈનું ટાઇટલ પણ જીત્યું હતું.
