રાહુલ રોયથી લઈને મુનવ્વર ફારૂકી સુધી, આ છે 'બિગ બોસ'ના અત્યાર સુધીના 17 વિજેતાઓ

સલમાન ખાનનો ટીવી રિયાલિટી શો 'બિગ બોસ 18' આજે એટલે કે 19 જાન્યુઆરીએ બંધ થઈ જશે. શોનો ગ્રાન્ડ ફિનાલે રાત્રે 9:30 વાગ્યે છે, જેમાં સલમાન જાહેર કરશે કે દર્શકોએ આ વખતે શોના વિજેતા તરીકે કોને પસંદ કર્યા છે. રજત દલાલ, વિવિયન ડીસેના, કરણવીર મહેરા, અવિનાશ મિશ્રા, ચુમ દરાંગ અને ઈશા સિંહમાંથી કોઈ એક આ શોનો ખિતાબ જીતશે.

આ પણ વાંચો: શ્રદ્ધા મિશ્રાએ જીત્યો 'સા રે ગા મા પા'નો ખિતાબ, જીતેલી રકમથી કરાવશે પિતાની સારવાર

‘બિગ બોસ 18’ 6 ઓક્ટોબર 2024થી ટીવી પર ચાલી રહ્યો છે. લગભગ 15 અઠવાડિયા પછી, આ શોને તેનો વિજેતા મળવા જઈ રહ્યો છે. આ સિઝન 18 સ્પર્ધકોથી શરૂ થઈ હતી, જેમાંથી 6 સ્પર્ધકોએ ફાઈનલમાં સ્થાન મેળવ્યું હતું. હવે એ જોવું રસપ્રદ રહેશે કે સલમાનના શોનો ખિતાબ કોણ જીતે છે. પરંતુ તે પહેલાં ચાલો જાણીએ કે અત્યાર સુધી કયા સ્ટાર્સે આ શોની ટ્રોફી જીતી છે. 'બિગ બોસ'ના અત્યાર સુધીના 17 વિજેતાઓની યાદી તમે નીચે જોઈ શકો છો.

અત્યાર સુધી બિગ બોસના વિજેતાઓ

• સિઝન 1 - રાહુલ રોય
• સિઝન 2 - આશુતોષ કૌશિક
• સિઝન 3 - વિંદુ દારા સિંહ
• સિઝન 4 - શ્વેતા તિવારી
• સિઝન 5 - જુહી પરમાર
• સિઝન 6 - ઉર્વશી ધોળકિયા
• સિઝન 7- ગૌહર ખાન
• સિઝન 8 - ગૌતમ ગુલાટી
• સિઝન 9 - પ્રિન્સ નરુલા
• સિઝન 10 - મનવીર ગુર્જર
• સિઝન 11 - શિલ્પા શિંદે
• સિઝન 12 - દીપિકા કક્કર
• સિઝન 13 - સિદ્ધાર્થ શુક્લા
• સિઝન 14- રૂબીના દિલૈક
• સિઝન 15- તેજસ્વી પ્રકાશ
• સિઝન 16- એમસી સ્ટેન
• સિઝન 17- મુનવ્વર ફારૂકી

'બિગ બોસ' ક્યારે શરૂ થયું?

'બિગ બોસ'ની પહેલી સિઝન 2007માં ટીવી પર આવી હતી. 'આશિકી' ફેમ બોલિવૂડ એક્ટર રાહુલ રોયે પહેલી સિઝન જીતી હતી. ટ્રોફી સાથે, તેને 1 કરોડ રૂપિયાની ઈનામી રકમ પણ મળી હતી. જોકે, સમય જતાં ઈનામની રકમમાં ઘટાડો કરવામાં આવ્યો. હવે આ શો જીતનાર વ્યક્તિને 50 લાખ રૂપિયા મળે છે. સલમાન પહેલા અમિતાભ બચ્ચન, સંજય દત્ત, શિલ્પા શેટ્ટી અને અરશદ વારસી પણ આ શો હોસ્ટ કરી ચૂક્યા છે. સલમાન 2010માં તેની ચોથી સીઝનથી શોમાં જોડાયો હતો. ત્યારથી, તે હોસ્ટિંગ સંભાળી રહ્યો છે.