છૂટાછેડાની ચર્ચા વચ્ચે પુત્ર જેસન સંજયે Vijay Thalapathyને ઇન્સ્ટા પર કર્યા અનફોલો

છેલ્લા કેટલાક દિવસોથી એવા સમાચાર આવી રહ્યા હતા કે થલાપતિ વિજયની પત્ની સંગીતાએ છૂટાછેડા માટે કોર્ટમાં અરજી કરી છે. કોઈપણ મોટા કલાકાર વિશે આવી અફવાઓ વહેલી ફેલાવા લાગે છે કારણ કે ચાહકો જાસૂસની જેમ તેમના સોશિયલ મીડિયા એકાઉન્ટ્સ પર નજર રાખતા હોય છે.

આ પણ વાંચો :

Vijay Thalapathy જીવે છે Luxurious લાઈફસ્ટાઈલ! નેટવર્થ જાણી તમે પણ રહી જશો દંગ

તાજેતરમાં સૌનું ધ્યાન થલપતિ વિજયના પુત્ર જેસન તરફ ગયું છે. એવું કહેવામાં આવી રહ્યું છે કે છૂટાછેડાના સમાચારોની વચ્ચે જેસને તેના પિતા થલાપતિ વિજયને અનફોલો કરી દીધા છે. જેસન વ્યવસાયે ફિલ્મ નિર્માતા છે.

સોશિયલ મીડિયા પર ઝડપથી ફેલાઈ રહ્યા છે સમાચાર

અહેવાલો અનુસાર, જેસન સંજયે ઇન્સ્ટાગ્રામ પર તેના પિતાને અનફોલો કર્યા છે, જેના સમાચાર ચાહકોમાં ઝડપથી ફેલાઈ ગયા. જોકે, કેટલાક સોશિયલ મીડિયા યુઝર્સનું કહેવું છે કે જેસને કદાચ ક્યારેય વિજયના એકાઉન્ટને ફોલો કર્યું જ નહોતું. આનાથી એ બાબતે અસ્પષ્ટતા ઊભી થઈ છે કે જેસને આ સમાચાર પછી અનફોલો કર્યા છે કે તે ક્યારેય ફોલો કરતો જ નહોતો. છૂટાછેડાના સમાચાર ફેલાયા પછી લોકોનું ધ્યાન આ બાબત પર ગયું છે.

અરજીમાં શું આરોપ લગાવવામાં આવ્યો છે?

વિજય અને તેની પત્ની સંગીતા સોરનલિંગમ સાથે જોડાયેલા છૂટાછેડાના દાવાઓ પછી આ પરિવાર મીડિયાની હેડલાઈન્સમાં છે. એએનઆઈ (ANI) ના અહેવાલ મુજબ, સંગીતાએ ચેંગલપટ્ટુ ફેમિલી કોર્ટમાં છૂટાછેડાની અરજી દાખલ કરી છે. આ અરજીમાં અભિનેતા અને રાજનેતા પર લગ્નેતર સંબંધ હોવાનો આરોપ લગાવ્યો છે. બીજી તરફ, ચાહકો માની રહ્યા છે કે વિજય તૃષા કૃષ્ણનને ડેટ કરી રહ્યા છે. જોકે, આ માત્ર અફવાઓ છે અને તેની કોઈ સત્તાવાર પુષ્ટિ થઈ નથી.

સંગીતા શ્રીલંકન તમિલ મૂળની છે અને યુનાઇટેડ કિંગડમ (UK) માં ઉછરેલી છે. વર્ષ 1999માં તેણે વિજય સાથે લગ્ન કર્યા હતા. લગ્ન પહેલા તે બ્રિટિશ નાગરિક હતી, જેના પરિવારનું મૂળ શ્રીલંકામાં હતું. તેના પિતા એક બિઝનેસમેન હતા જેઓ પાછળથી યુકેમાં સ્થાયી થયા હતા.