રામાયણ ટ્રેલર આવતાં જ વિવાદ! કૈકેયીના રોલમાં લારા દત્તાને જોઈને ટ્રોલર્સે ઉડાવી મજાક!
છેલ્લું અપડેટ : 30 Jul 2026
નિતેશ તિવારીની બહુપ્રતિક્ષિત ફિલ્મ ‘રામાયણ’નું ટ્રેલર આજે ૩૦ જુલાઈએ રિલીઝ કરી દેવામાં આવ્યું છે. ચાહકો લાંબા સમયથી આ ટ્રેલરની આતુરતાપૂર્વક રાહ જોઈ રહ્યા હતા. ટ્રેલરમાં રાજા દશરથથી લઈને ભગવાન રામ અને માતા સીતાના લુક પરથી પરદો ઊંચકાયો છે. જોકે, ટ્રેલર રિલીઝ થતાં જ ફિલ્મમાં રાણી કૈકેયીનો રોલ કરી રહેલી લારા દત્તાનો લુક ચર્ચામાં આવ્યો છે અને લોકો તેને ટ્રોલ કરી રહ્યા છે. યુઝર્સનું કહેવું છે કે લારા દત્તાને જરૂર કરતાં વધુ મોર્ડન લુક આપવામાં આવ્યો છે.
લારા દત્તાના લુકની કેમ થઈ રહી છે ચર્ચા?
લારા દત્તા આ ફિલ્મમાં રાજા દશરથની પત્ની કૈકેયીનું પાત્ર ભજવી રહી છે. ટ્રેલરમાં એ દ્રશ્ય બતાવવામાં આવ્યું છે જ્યાં કૈકેયી ભગવાન રામને 14 વર્ષના વનવાસ મોકલવાની માંગણી કરે છે. આ સીનમાં લારા દત્તા બોર્ડર વાળી સાડીમાં જોવા મળે છે અને તેના વાળ એક તરફ ખુલ્લા (સાઈડ હેરસ્ટાઈલ) રાખેલા છે.
'આ ત્રેતાયુગ છે કે વર્ષ 2026?' - નેટીઝન્સે ઉઠાવ્યા સવાલ
રાણી કૈકેયીના રૂપમાં લારા દત્તાનો આ અવતાર લોકોને ખૂબ જ મોર્ડન લાગ્યો અને તેથી જ લોકો તેને સોશિયલ મીડિયા પર ટ્રોલ કરવા લાગ્યા:
એક યુઝરે લખ્યું: "મોર્ડન સાડી, સલૂન-સ્ટાઈલ વાળ… આ ત્રેતાયુગ છે કે વર્ષ 2026?"
બીજા યુઝરે કોમેન્ટ કરી: "સાચું કહું તો આ કોઈ મોટી ફિલ્મ નહીં પણ મોટા બજેટની ટીવી સિરિયલ જેવું લાગી રહ્યું છે."
અન્ય એક યુઝરે કહ્યું: "મહિલાઓનો લુક ખૂબ જ મોર્ડન રાખવામાં આવ્યો છે. મને તો હસવું આવી રહ્યું છે! એવું લાગે છે કે સ્ટાર પ્લસની કોઈ સિરિયલ જોઈ રહ્યો છું."
એક ફેને નારાજગી વ્યક્ત કરી: "આની સ્ટાઈલિંગ ઐતિહાસિક રીતે ખૂબ જ ખોટી અને નિરાશાજનક છે! લારા દત્તા બિલકુલ પણ ત્રેતાયુગ વાળી વાઈબ (Vibe) નથી આપી રહી."
કેટલાક લોકો લારા દત્તાના સમર્થનમાં આવ્યા
જ્યાં એક તરફ લોકો લારા દત્તાના લુકની મજાક ઉડાવી રહ્યા છે, ત્યાં બીજી તરફ કેટલાક લોકો તેના બચાવમાં પણ આવ્યા છે:
એક યુઝરે સવાલ કર્યો: "શું તમે લોકો ત્રેતાયુગમાં હતા? તમને કેવી રીતે ખબર કે ત્રેતાયુગમાં આવી સાડીઓ નહોતી પહેરાતી?"
બીજા યુઝરે તર્ક આપતા લખ્યું: "ટ્રોલ કરનારાઓનો લોજિક બકવાસ છે. પ્રાચીન સમયમાં મહિલાઓ પોતાના વાળ ત્યારે જ બાંધતી હતી જ્યારે તેમના પતિનું મૃત્યુ થતું હતું. લારા દત્તાનો આ લુક બિલકુલ સાચો છે."
