રણબીર કપૂરની ‘એનિમલ પાર્ક’ની રાહ જોઈ રહ્યા છો? પ્રોડ્યૂસર ભૂષણ કુમારે શેર કર્યું મોટું અપડેટ, જાણો

રણબીર કપૂરે ‘એનિમલ’માં રણવિજય સિંહના રોલમાં તેની જબરદસ્ત એક્ટિંગથી દર્શકોને આશ્ચર્યચકિત કર્યા હતા. આ ફિલ્મ વર્ષની સૌથી વધુ કમાણી કરનારી ફિલ્મોમાંની એક બની હતી અને જ્યારે નિર્માતાઓએ તેની સિક્વલ ‘એનિમલ પાર્ક’ની જાહેરાત કરી ત્યારે ફેન્સ પણ ઘણા ઉત્સાહિત હતા. હવે તાજેતરમાં, ફિલ્મના કો-પ્રોડ્યૂસર ભૂષણ કુમારે ખુલાસો કર્યો છે કે, સિક્વલ પર કામ ઝડપથી ચાલી રહ્યું છે.

આ પણ વાંચોઃ- દીકરીનું નામ દુઆ રાખવા પર ટ્રોલ થયા દીપિકા અને રણવીર, નેટીઝન્સે ઉઠાવ્યા ધર્મ પર સવાલ

ટૂંક સમયમાં કરશે સંદીપ સાથે વાત

ભૂષણ કુમારે જણાવ્યું કે, ડિરેક્ટર સંદીપ રેડ્ડી વાંગા તેના ઓનગોઇંગ પ્રોજેક્ટ ‘સ્પિરિટ’માંથી ફ્રી થતાં જ રણબીરની ‘એનિમલ પાર્ક’ પર કામ શરૂ કરશે. આ પ્રોજેક્ટ આગામી 6 મહિનામાં શરૂ થવાની શક્યતા છે.

સિક્વલનો સંકેત આપે છે એનિમલની પોસ્ટ ક્રેડિટ્સ

‘એનિમલ’ની પોસ્ટ ક્રેડિટ્સમાં દર્શકોને ‘એનિમલ પાર્ક’ના શીર્ષક દ્વારા સિક્વલનો સંકેત આપવામાં આવ્યો હતો, જે પાછળથી નિર્માતાઓ દ્વારા કન્ફર્મ કરવામાં આવ્યો હતો. ભૂષણ કુમારે એક ઈન્ટરવ્યુમાં કહ્યું હતું કે, ફિલ્મનું પ્લાનિંગ સંપૂર્ણપણે તૈયાર છે, જેના કારણે ફેન્સ વધુ ઉત્સાહિત થઈ ગયા છે.

‘સ્પિરિટ’ પછી શરૂ થશે ‘એનિમલ પાર્ક’

ભૂષણ કુમારના જણાવ્યા અનુસાર, સંદીપ રેડ્ડી વાંગાની આગામી ફિલ્મ તેલુગુ એન્ટરટેનર ‘સ્પિરિટ’ છે, જેમાં પ્રભાસ મુખ્ય ભૂમિકામાં હશે. આ ફિલ્મનું શૂટિંગ 2024ના અંત સુધીમાં શરૂ થશે અને ત્યાર બાદ ‘એનિમલ પાર્ક’નું શૂટિંગ 6 મહિનાના ગેપમાં શરૂ થશે.

દર્શકો માટે વધુ ડાર્ક અને ઈન્ટેન્સ હશે ‘એનિમલ પાર્ક’

‘એનિમલ’ને તેની સ્ટોરી અને હિંસક દ્રશ્યોને કારણે મિશ્ર પ્રતિસાદ મળ્યો હતો, પરંતુ એક અહેવાલ અનુસાર સંદીપ રેડ્ડી વાંગાએ કહ્યું છે કે, ‘એનિમલ પાર્ક’ 'ડાર્ક' અને 'માઈનોર' હશે. તેણે 2026માં તેનું શૂટિંગ કરવાની એનાઉન્સમેન્ટ કરી હતી, પરંતુ ભૂષણ કુમારના નિવેદને આ સમયમર્યાદાને આગળ વધારી દીધી છે, જેના કારણે ફેન્સ વધુ ઉત્સાહિત થઈ ગયા છે.

‘એનિમલ પાર્ક’ને લઈને રણબીર કપૂરનો ઉત્સાહ

નેટફ્લિક્સ ઈન્ડિયા સાથેની વાતચીતમાં, રણબીર કપૂરે કહ્યું કે, વાંગાએ તેને સિક્વલના કેટલાક દ્રશ્યો સંભળાવ્યા હતા, જે ખૂબ જ ઈન્ટેન્સ હતા અને તેના વિશે વધુ જાણવાની તેની ઉત્સુકતા વધી ગઈ હતી.

રણબીર કપૂરનું વર્કફ્રન્ટ

રણબીર કપૂર હાલ નિતેશ તિવારીની ‘રામાયણ’માં કામ કરી રહ્યો છે, જેમાં તેની સાથે સાઈ પલ્લવી અને યશ જોવા મળશે. આ સિવાય તે સંજય લીલા ભણસાલીની ‘લવ એન્ડ વૉર’માં વિકી કૌશલ અને આલિયા ભટ્ટ સાથે પણ જોવા મળશે.