Michael OTT Release: માઇકલ જેક્સનની બાયોપિક OTT પર થઈ રિલીઝ, જાણો કયા પ્લેટફોર્મ પર જોઈ શકાશે આ ફિલ્મ 

થિયેટર્સમાં રેકોર્ડબ્રેક કમાણી કરીને દુનિયાભરમાં પોતાનો ડંકો વગાડ્યા બાદ 'માઇકલ' હવે ઓટીટી પર આવી ગઈ છે. માઇકલ જેક્સનના જીવન પર બનેલી આ ફિલ્મ દુનિયાભરમાં સૌથી વધુ કમાણી કરનારી બાયોપિક બની ચૂકી છે અને તેણે 'ઓપનહાઇમર'ને પણ પાછળ છોડી દીધી છે. જાણો ઓટીટી પર ક્યારે અને ક્યાં જોઈ શકાશે આ ફિલ્મ:

થિયેટરમાં જબરદસ્ત સફળતા મેળવ્યા બાદ, માઇકલ જેક્સનની બાયોપિક 'માઇકલ' હવે OTT પર આવી ગઈ છે. આ વર્ષની સૌથી મોટી ગ્લોબલ હિટ ફિલ્મોમાંની આ એક રહી છે. જો તમે આ ફિલ્મ થિયેટરમાં નથી જોઈ શક્યા, તો હવે સરળતાથી ઘરે બેઠા જોઈ શકો છો. આ બાયોપિક દ્વારા તમને માઇકલ જેક્સનની જિંદગીને વધુ નજીકથી જાણવાની તક મળશે. 'માઇકલ' કયા OTT પ્લેટફોર્મ પર અને ક્યારથી જોઈ શકાશે, તે અહીં જણાવી રહ્યા છીએ. સાથે જ જાણો કે આ ફિલ્મે થિયેટર્સમાં રિલીઝ થઈને દુનિયાભરમાં કેટલી કમાણી કરી હતી.

'માઇકલ' 24 એપ્રિલ 2026ના રોજ રિલીઝ થઈ હતી અને ત્યારે તેણે બોક્સ ઓફિસ પર કમાણીનો નવો ઇતિહાસ રચી દીધો હતો. ₹1,800 કરોડના બજેટમાં બનેલી આ ફિલ્મનું ડાયરેક્શન એન્ટોની ફુક્કાએ કર્યું છે, જ્યારે લાયન્સગેટ અને જેક્સન એસ્ટેટે મળીને તેને પ્રોડ્યુસ કરી છે.

'માઇકલ' એમેઝોન પ્રાઇમ વિડીયો પર રિલીઝ

'માઇકલ' ફિલ્મને તમે OTT પ્લેટફોર્મ એમેઝોન પ્રાઇમ વિડીયો (Amazon Prime Video) પર જોઈ શકો છો. આ ઓટીટી પ્લેટફોર્મ પર તેનું સ્ટ્રીમિંગ શરૂ થઈ ગયું છે. ઇંગ્લિશ ઉપરાંત આ ફિલ્મ હિન્દીમાં પણ ઉપલબ્ધ છે. આ ફિલ્મમાં માઇકલ જેક્સનનું મુખ્ય પાત્ર તેમના સગા ભત્રીજા જાફરે  ભજવ્યું છે. લુક અને હાવભાવમાં તે બિલકુલ પોતાના કાકા માઇકલ જેક્સન જેવો જ દેખાય છે.

'માઇકલ'ની લાઇફટાઇમ કમાણી

'માઇકલ'ની કમાણી વિશે વાત કરીએ તો, તે દુનિયાભરમાં અત્યાર સુધીની સૌથી વધુ કમાણી કરનારી બાયોપિક બની ગઈ છે. તેણે વિશ્વભરમાં $977 મિલિયનની કમાણી એટલે કે ₹9,050.23 કરોડ રૂપિયા કમાયા છે. આ મામલામાં તેણે 'ઓપનહાઇમર' (Oppenheimer) ફિલ્મને પણ પાછળ છોડી દીધી છે. સેકનિલ્ક (Sacnilk)ના રિપોર્ટ અનુસાર, 'માઇકલ' ફિલ્મે ભારતમાં ₹70.97 કરોડનું નેટ અને ₹83.49 કરોડનું ગ્રોસ લાઇફટાઇમ કલેક્શન કર્યું હતું. જ્યારે ઓવરસીઝ માર્કેટમાં 'માઇકલ' ફિલ્મે ₹5,580 કરોડની કમાણી કરી હતી.

'માઇકલ' ફિલ્મે પહેલા વિકેન્ડમાં જ બનાવ્યો હતો રેકોર્ડ

'માઇકલ' ફિલ્મે રિલીઝના પહેલા વિકેન્ડમાં જ એક નવો રેકોર્ડ સ્થાપિત કર્યો હતો. ઓપનિંગ વિકેન્ડમાં જ આ ફિલ્મે ₹2,042.96 કરોડની ગ્રોસ કમાણી કરી હતી. આ સાથે જ તે પહેલા વિકેન્ડમાં સૌથી વધુ કમાણી કરનારી વિશ્વની પ્રથમ બાયોપિક બની ગઈ હતી.