માર્વેલની નવી ફિલ્મે તોડ્યા બધા રેકોર્ડ, 'Spider-Man: Brand New Day'ની જંગી ઓપનિંગ
છેલ્લું અપડેટ : 31 Jul 2026
વૈશ્વિક સિનેમાના ઇતિહાસમાં બોક્સ ઓફિસના તમામ જૂના રેકોર્ડ ધ્વસ્ત થઈ ગયા છે. માર્વેલ સિનેમેટિક યુનિવર્સની મોસ્ટ અવેટેડ ફિલ્મ 'સ્પાઈડર-મેન: બ્રાન્ડ ન્યૂ ડે'એ રિલીઝ થતાંની સાથે જ વિશ્વભરમાં કમાણીનું નવું તોફાન સરજ્યું છે. હોલિવૂડ સુપરસ્ટાર ટોમ હોલેન્ડ સ્ટારર આ ફિલ્મે તેના ઓપનિંગ ડે પર જ વર્લ્ડવાઈડ બોક્સ ઓફિસ પર 1,000 કરોડ રૂપિયાનો આંકડો પાર કરીને ઈતિહાસ રચી દીધો છે. આ સાથે જ આ ફિલ્મ વૈશ્વિક સ્તરે પહેલા જ દિવસે આટલી જંગી કમાણી કરનારી દુનિયાની સૌથી સફળ ફિલ્મોની યાદીમાં સામેલ થઈ ગઈ છે.
ગ્લોબલ બોક્સ ઓફિસ પર ‘સ્પાઈડર-મેન’ ક્રેઝ
અહેવાલો અનુસાર, ફિલ્મની એડવાન્સ બુકિંગથી જ અંદાજો આવી ગયો હતો કે ઓપનિંગ ઐતિહાસિક રહેશે. નોર્થ અમેરિકાની સાથે સાથે ઇન્ટરનેશનલ માર્કેટ્સ જેવા કે યુકે, ચાઇના, ઓસ્ટ્રેલિયા અને ભારતમાં પણ આ ફિલ્મને બમ્પર ઓપનિંગ મળ્યું છે. ભારતમાં પણ આ ફિલ્મના ક્રેઝના કારણે મધ્યરાત્રિ અને વહેલી સવારના શો પણ હાઉસફુલ જોવા મળ્યા હતા. માર્વેલના ચાહકો માટે આ ફિલ્મ માત્ર એક સિનેમા નથી પરંતુ એક મોટો ઉત્સવ સાબિત થઈ રહી છે, જેના કારણે કમાણીના આંકડા 1,000 કરોડને પાર પહોંચ્યા છે.
આ કારણથી ફિલ્મે રચ્યો ઇતિહાસ
વિકેન્ડ પર 3,000 કરોડનો આંકડો પાર થવાની સંભાવના
પહેલા જ દિવસે 1,000 કરોડથી વધુની ઐતિહાસિક ઓપનિંગ લીધા બાદ હવે ટ્રેડ એનાલિસ્ટ્સ અનુમાન લગાવી રહ્યા છે કે આ ફિલ્મ તેના ઓપનિંગ વિકેન્ડ (શનિવાર અને રવિવાર)ના અંત સુધીમાં વિશ્વભરમાં 3,000 કરોડ રૂપિયાથી વધુની કમાણી કરીને નવો વૈશ્વિક રેકોર્ડ બનાવી શકે છે. ટોમ હોલેન્ડ અને ઝેન્ડયાની ઓન-સ્ક્રીન કેમિસ્ટ્રી અને ડિરેક્ટરની વિઝ્યુઅલ ટ્રીટના કારણે આ ફિલ્મ આગામી દિવસોમાં હોલિવૂડની સૌથી વધુ કમાણી કરનારી ઓલ-ટાઇમ બ્લોકબસ્ટર ફિલ્મ બનવા તરફ આગળ વધી રહી છે.
GSTVની એપ્લિકેશન ડાઉનલોડ કરો
