VIDEO: Amitabh, Ranbirથી લઈને અંબાણી પરિવાર સુધી; Supriya Suleની દીકરી રેવતીના લગ્નમાં ઊમટ્યા ફિલ્મસ્ટાર્સ અને રાજનેતાઓ
છેલ્લું અપડેટ : 21 Jun 2026
રાષ્ટ્રવાદી કોંગ્રેસ પાર્ટીના સાંસદ સુપ્રિયા સુલેની પુત્રીના ૨૦ જૂનના રોજ લગ્ન હતા, જેમાં બચ્ચન પરિવારથી લઈને રણબીર કપૂર, શાહરૂખ ખાન અને જેકી શ્રોફ સહિત અનેક ફિલ્મ સ્ટાર્સ, રાજકીય અને બિઝનેસ જગતની હસ્તીઓ સામેલ થઈ હતી. શાહરૂખ ખાને પોતાના ડાન્સથી રંગ રાખ્યો હતો.
૨૦ જૂનના રોજ રાષ્ટ્રવાદી કોંગ્રેસ પાર્ટીના સાંસદ સુપ્રિયા સુલેની પુત્રીના લગ્ન હતા, જેમાં ફિલ્મ કલાકારો ઉપરાંત અનેક રાજકીય હસ્તીઓનો મેળાવડો જામ્યો હતો. સંગીત સેરેમનીથી લઈને લગ્ન સુધી ફિલ્મ સ્ટાર્સે રંગ જમાવી દીધો હતો. શાહરૂખ ખાને તો પોતાના દમદાર ડાન્સથી મહેફિલ જ લૂંટી લીધી હતી. બિઝનેસ જગતની પણ ઘણી હસ્તીઓ સુપ્રિયા સુલેની પુત્રી રેવતીના લગ્નમાં સહભાગી થઈ હતી. અમિતાભ બચ્ચનથી લઈને રવિ કિશન અને રણબીર કપૂર પણ જોવા મળ્યા હતા.
સુપ્રિયા સુલેની પુત્રી રેવતી સુલેએ નાગપુરના બિઝનેસમેન અને રાજનેતા અરુણ લખીના પુત્ર સારંગ લખી સાથે લગ્ન કર્યા છે. લગ્ન પહેલા સંગીત સેરેમની રાખવામાં આવી હતી, જેમાં શાહરૂખ ખાને મહેફિલ લૂંટી લીધી હતી. તેમણે પોતાના હિટ ગીત 'કોઈ મિલ ગયા' પર ડાન્સ કર્યો હતો અને સાથે જ કન્યા રેવતીને પણ નચાવી હતી. આનો વીડિયો પણ સોશિયલ મીડિયા પર વાયરલ થઈ રહ્યો છે.
અમિતાભ બચ્ચન અને જયાથી લઈને જેકી શ્રોફ, રવિ કિશન પહોંચ્યા
બીજી તરફ, લગ્ન સમારોહમાં અમિતાભ બચ્ચન પત્ની જયા અને પુત્રી શ્વેતા સાથે સામેલ થયા હતા. તેમના સિવાય રવિ કિશન, જેકી શ્રોફ અને રણબીર કપૂર પણ જોવા મળ્યા હતા. અમિતાભે કુર્તા-પાયજામા પહેર્યા હતા અને શાલ ઓઢી હતી, જ્યારે જયા બચ્ચને સાડી પહેરી હતી. રેવતી સુલેના લગ્ન જીઓ કન્વેન્શન સેન્ટરમાં યોજાયા હતા. અહીં અમિતાભ બચ્ચન, ટીના અંબાણી સાથે પણ વાત કરતા જોવા મળ્યા હતા.
શાહરૂખ ખાને કર્યો ધમાકેદાર ડાન્સ
રવિ કિશન પત્ની સાથે સુપ્રિયા સુલેની પુત્રીના લગ્નમાં પહોંચ્યા હતા. આ ફંક્શનમાં સિંગર રાહુલ વૈદ્યએ પણ પર્ફોર્મ કર્યું હતું. તેણે શાહરૂખ ખાનના પર્ફોર્મન્સ અને તેની સાથે સ્ટેજ શેર કરવાના ફોટા-વીડિયો પોતાના ઇન્સ્ટાગ્રામ એકાઉન્ટ પર શેર કર્યા છે. રાહુલે સંગીત નાઇટમાં ઘણા ગીતો ગાયા અને રંગ જમાવ્યો હતો. અને જ્યારે રાહુલે 'કોઈ મિલ ગયા' ગીત ગાયું, ત્યારે શાહરૂખ પોતાને રોકી શક્યા નહીં અને ધમાકેદાર ડાન્સ કર્યો.
આ રાજનેતાઓ પણ રેવતી સુલેના લગ્નમાં સામેલ થયા
સુપ્રિયા સુલેની પુત્રીના લગ્નમાં આરએસએસ (RSS) પ્રમુખ મોહન ભાગવત ઉપરાંત રાહુલ ગાંધી, અખિલેશ યાદવ, એ. રેવંત રેડ્ડી, ભગવંત માન, પીયૂષ ગોયલ, ફારુક અબ્દુલ્લા અને ડી.કે. શિવકુમાર જેવા અનેક રાજનેતાઓ સામેલ થયા હતા.
