ઈઝરાયેલ-ઈરાન યુદ્ધ વચ્ચે બોલિવૂડની એક્ટ્રેસ દુબઈ એરપોર્ટ પર ફસાઈ, PM મોદી પાસે માંગી મદદ

ઈઝરાયેલ અને ઈરાન વચ્ચે યુદ્ધ ચાલુ છે. જેના કારણે મિડલ ઈસ્ટમાં ફ્લાઈટ્સ રદ કરવામાં આવી છે. આવી સ્થિતિમાં અભિનેત્રી સોનલ ચૌહાણ દુબઈમાં ફસાઈ ગઈ છે. તેણે એક પોસ્ટ દ્વારા પીએમ મોદી પાસે મદદ માંગી છે.

સોનલ ચૌહાણે પીએમ મોદી પાસે મદદ માંગી

સોનલ ચૌહાણે તેના 'X' એકાઉન્ટ પર લખ્યું, "માનનીય વડાપ્રધાન નરેન્દ્ર મોદી જી, હું યુદ્ધના કારણે દુબઈમાં ફસાઈ ગઈ છું. ફ્લાઈટ્સ રદ થઈ ગઈ છે અને ભારત પરત આવવાનો કોઈ રસ્તો નથી. હું ઘરે પાછા ફરવા માટે સરકાર પાસે સુરક્ષિત મુસાફરી માટે માર્ગદર્શન ઈચ્છું છું. કોઈપણ મદદ માટે આભારી રહીશ."

આ કારણે ફ્લાઈટ્સ બંધ થઈ

હકીકતમાં શનિવારે અમેરિકા અને ઈઝરાયેલે મળીને ઈરાન પર હુમલો કર્યો હતો. ત્યારબાદ ઈરાને વળતો હુમલો કર્યો. મિસાઈલોના કારણે વિશ્વના સૌથી વ્યસ્ત દુબઈ ઈન્ટરનેશનલ એરપોર્ટ સહિત અનેક એરપોર્ટ પર કામગીરી બંધ કરવી પડી હતી.

વાટાઘાટો બાદ થયો હુમલો

ઈરાન પર અમેરિકા-ઈઝરાયેલના હુમલા ત્યારે થયા જ્યારે ઈરાની ન્યુક્લિયર પ્રોગ્રામ પર વોશિંગ્ટન અને તેહરાન વચ્ચે અઠવાડિયા સુધી ચાલેલી વાતચીતનું કોઈ નક્કર પરિણામ ન આવ્યું.

વિદેશ મંત્રાલયનું નિવેદન

ભારતના વિદેશ મંત્રાલયે આ બાબતે જણાવ્યું હતું કે મિડલ ઈસ્ટમાં તેમના મિશન ભારતીય નાગરિકોના સંપર્કમાં છે. તેમણે જરૂરી એડવાઈઝરી જારી કરીને નાગરિકોને સાવધ રહેવા અને સ્થાનિક સુરક્ષા માર્ગદર્શિકાઓનું પાલન કરવા જણાવ્યું છે.

સોનલ ચૌહાણનું વર્કફ્રન્ટ

તમને જણાવી દઈએ કે સોનલ ચૌહાણે ફિલ્મ 'જન્નત' (2008) થી ડેબ્યુ કર્યું હતું, જેમાં તેની સાથે ઈમરાન હાશ્મી હતો. છેલ્લે તે 2024 માં બંગાળી ફિલ્મ 'દદ્ર' (Dard) માં જોવા મળી હતી.