બિશ્નોઈ સમુદાયે બાળ્યું સલમાન ખાનનું પૂતળું, પિતા સલીમના નિવેદનથી નારાજ
બોલિવૂડ સુપરસ્ટાર સલમાન ખાન છેલ્લા 26 વર્ષથી એક એવા કેસમાં ફસાયેલો છે, જેમાં
બોલિવૂડ સુપરસ્ટાર સલમાન ખાન છેલ્લા 26 વર્ષથી એક એવા કેસમાં ફસાયેલો છે, જેમાંથી તે ઈચ્છે તો પણ બહાર નીકળી શકતો નથી. આ કેસમાં તેણે કાનૂની કાર્યવાહીનો સામનો કરવો પડ્યો, જેલમાં ગયો, જામીન પર છૂટ્યો, નિર્દોષ જાહેર થયો, પાછો દોષી ઠેરવવામાં આવ્યો, પાછો જામીન પર બહાર આવ્યો. પરંતુ આ મામલો ક્યાંય પૂરો થતો નથી. આ મામલે કાનૂની કાર્યવાહી સિવાય સલમાનને જાનથી મારી નાખવાની ધમકીઓ પણ મળી રહી છે.
જેના કારણે તેની સુરક્ષાનું સંપૂર્ણ ધ્યાન રાખવામાં આવી રહ્યું છે અને આ ધમકીઓ બિશ્નોઈ સમુદાયમાંથી આવતા ગેંગસ્ટર લોરેન્સ બિશ્નોઈ તરફથી આવી રહી છે, જે પોતે જેલમાં છે. આ મામલો 1998માં કાળા હરણના શિકારનો છે. થોડા સમય પહેલા સલમાન ખાનના પિતા સલીમ ખાને એક ઈન્ટરવ્યૂ દરમિયાન સલમાન ખાનને નિર્દોષ જાહેર કર્યો હતો, જે બાદ બિશ્નોઈ સમુદાયે તેમની આકરી ટીકા કરી હતી અને તેમના નિવેદન પર નારાજગી વ્યક્ત કરી હતી. બિશ્નોઈ સમુદાય કાળા હરણને પવિત્ર માને છે.
બિશ્નોઈ સમુદાયે સલમાન અને સલીમના પૂતળા બાળ્યા
સમુદાયના કેટલાક સભ્યોએ સલીમ પર ખોટા નિવેદનો આપવાનો આરોપ લગાવ્યો હતો. આટલું જ નહીં તેના વિરોધમાં શનિવારે સલમાન અને તેના પિતા સલીમના પૂતળા બાળીને પોતાનો ગુસ્સો વ્યક્ત કર્યો હતો. એક નિવેદનમાં બિશ્નોઈ સમુદાયે કહ્યું, 'અમે બિશ્નોઈ છીએ અને કોઈ કારણ વગર કોઈ પર આરોપ લગાવતા નથી. 26 વર્ષ પહેલા જ્યારે આ કેસ નોંધવામાં આવ્યો ત્યારે તત્કાલીન ધારાસભ્ય અને બિશ્નોઈ સમુદાયના ઘણા મહત્ત્વપૂર્ણ લોકો ત્યાં હાજર હતા. સલીમ
ખાનના ખોટા નિવેદને લોકોને ગેરમાર્ગે દોર્યા છે.
બિશ્નોઈ સમાજે વિરોધ કરવાની ચેતવણી આપી
તેણે કહ્યું, 'તેમના નિવેદનથી અમારો આખો સમુદાય દુઃખી થયો છે. અમે કાળા હરણ કેસમાં ન્યાય મેળવવા માટે તમામ શક્ય પ્રયાસો કરીશું અને જો જરૂર પડશે તો અમે રસ્તાઓ પર વિરોધ પણ કરીશું. ઉલ્લેખનીય છે કે, એક ન્યૂઝ પોર્ટલને આપેલા ઈન્ટરવ્યુ દરમિયાન સલીમ ખાને કહ્યું હતું કે, સલમાને ક્યારેય કોઈ પ્રાણીને નુકસાન પહોંચાડ્યું નથી અને તે કાળા હરણના શિકાર સમયે ત્યાં હાજર નહોતો. તેણે કહ્યું કે, સલમાન તેના બીમાર પાલતુ કૂતરાની સંભાળ રાખવામાં વ્યસ્ત હતો અને તેના મૃત્યુથી તે ખૂબ જ દુઃખી હતો.
સલીમ ખાને દીકરા સલમાનને કહ્યું નિર્દોષ
સલીમે કહ્યું કે, જ્યારે તેણે તેને પૂછ્યું કે શું તે કોઈ પ્રાણીના શિકારમાં સામેલ છે? તો સલમાને આ વાતનો સ્પષ્ટ ઇનકાર કર્યો હતો. સલીમ ખાને કહ્યું, 'તે મારી સાથે જૂઠું નહીં બોલે, તેને પ્રાણીઓને મારવામાં કોઈ રસ નથી'. સલીમના ઈન્ટરવ્યૂ બાદ સલમાન ખાનના જૂના ઈન્ટરવ્યૂ પણ સોશિયલ મીડિયા પર વાયરલ થયા હતા, જેમાં તેણે કાળિયાર શિકારમાં સામેલ હોવાનો સ્પષ્ટ ઈન્કાર કર્યો હતો. આ દિવસોમાં સલમાન તેના શો 'બિગ બોસ 18' અને આગામી ફિલ્મ 'સિકંદર'ના શૂટિંગમાં વ્યસ્ત છે.
