VIDEO: Arshad Warsiના 58મા જન્મદિવસે ફેન્સ માટે ભેટ! આગામી 2 વર્ષમાં રિલીઝ થશે આ 4 સુપરહિટ ફ્રેન્ચાઈઝી
છેલ્લું અપડેટ : 19 Apr 2026
Arshad Warsi Upcoming Movies: આજે બોલિવૂડ એક્ટર અરશદ વારસીનો જન્મદિવસ છે. આ ખાસ અવસરે ચાલો જાણીએ તેમની આગામી ફિલ્મો વિશે, જે આવનારા સમયમાં બોક્સ ઓફિસ પર ધૂમ મચાવી શકે છે.
બોલિવૂડ અભિનેતા અરશદ વારસી આજે 19 એપ્રિલના રોજ પોતાનો 58મો જન્મદિવસ ઉજવી રહ્યો છે. અરશદે પોતાની શાનદાર એક્ટિંગ અને મજેદાર કોમેડીથી સૌના દિલ જીતી લીધા છે. લોકો તેમને 'સર્કિટ' અને 'માધવ' જેવા પાત્રો માટે ખૂબ પસંદ કરે છે. આજે તેમના બર્થડે નિમિત્તે જોઈએ તેમની આવનારી ફિલ્મોનું લિસ્ટ, જે ટૂંક સમયમાં સિનેમાઘરોમાં દસ્તક દેશે.
વેલકમ ટુ ધ જંગલ
આ ફિલ્મ 'વેલકમ' સિરીઝનો ત્રીજો ભાગ છે અને તેને લઈને ચાહકોમાં જબરદસ્ત ક્રેઝ છે. આ ફિલ્મનું નિર્દેશન અહમદ ખાન કરી રહ્યા છે. સ્ટારકાસ્ટની વાત કરીએ તો તેમાં અરશદ વારસીની સાથે અક્ષય કુમાર, સુનીલ શેટ્ટી, સંજય દત્ત, દિશા પટણી અને જેકલીન ફર્નાન્ડીઝ જેવા ઘણા મોટા કલાકારો જોવા મળશે. આ એક મલ્ટી-સ્ટારર કોમેડી ફિલ્મ છે, જેની રિલીઝ ડેટ 26 જૂન, 2026 નક્કી કરવામાં આવી છે.
ધમાલ 4
અરશદ વારસી ફરી એકવાર તેની સૌથી પ્રખ્યાત કોમેડી ફ્રેન્ચાઈઝી 'ધમાલ'ના ચોથા ભાગમાં 'માધવ'ના પાત્રમાં જોવા મળશે. આ ફિલ્મ 12 જૂન, 2026ના રોજ સિનેમાઘરોમાં રિલીઝ થવાની છે. ફિલ્મનું નિર્દેશન ઈન્દ્ર કુમાર કરી રહ્યા છે, જેમણે આ સિરીઝની અગાઉની ત્રણેય ફિલ્મો ડાયરેક્ટ કરી છે. ફિલ્મની સ્ટારકાસ્ટ ઘણી મોટી છે, જેમાં અરશદ વારસીની સાથે અજય દેવગન, રિતેશ દેશમુખ અને તુષાર કપૂર મુખ્ય ભૂમિકામાં જોવા મળશે.
કિંગ
અરશદ વારસીની કારકિર્દીની સૌથી મોટી ફિલ્મોમાંની એક 'કિંગ' હશે, જેમાં તે સુપરસ્ટાર શાહરૂખ ખાન સાથે સ્ક્રીન શેર કરશે. આ ફિલ્મના ડાયરેક્ટર સિદ્ધાર્થ આનંદ છે, જેઓ તેમની એક્શન ફિલ્મો માટે જાણીતા છે. ફિલ્મની સ્ટારકાસ્ટમાં શાહરૂખ ખાન, સુહાના ખાન અને અભિષેક બચ્ચન સામેલ છે. આ ફિલ્મની રિલીઝ ડેટ હજુ જાહેર કરવામાં આવી નથી, પરંતુ તેનું શૂટિંગ પૂરજોશમાં ચાલી રહ્યું છે.
ગોલમાલ 5
અરશદ વારસી ફરી એકવાર રોહિત શેટ્ટીની પ્રખ્યાત ફિલ્મ 'ગોલમાલ 5'માં જોવા મળશે. આ વખતે ફિલ્મમાં અરશદની સાથે અજય દેવગન અને અક્ષય કુમાર પણ ધમાકો કરશે. સાથે જ શરમન જોશી, કુણાલ ખેમુ અને તુષાર કપૂર પણ પોતાની મસ્તીથી સૌને હસાવશે. ચાહકો આ ફિલ્મની આતુરતાથી રાહ જોઈ રહ્યા છે.
