"Aavaarapan-2" શૂટિંગ દિશા પટણી સાથે જ કર્યું શરુ! સર્જકોએ હજુ નથી કરી સ્પષ્ટતા
છેલ્લું અપડેટ : 26 Sept 2025
સોર્સ : GSTV
બોલીવુડમાં સદંતર ફલોપ ગયેલી માનુષી છિલ્લર એવો વર્તાવ કરી રહી છે કે જાણે તે બોલીવૂડની સૌથી બીઝી કલાકાર હોય. તેણે તાજેતરમાં ઈમરાન હાશ્મી સાથેની ફિલ્મ 'Aavaarapan-2' તારીખોનું બહાનું બતાવીને છોડી દીધી છે. સર્જકોએ હાલ તુરંત માનુષીના સ્થાને નવી હિરોઈનની જાહેરાત કરી નથી. તેને બદલે ઈમરાન અને દિશા પટણી સાથે શૂટિંગ ચાલુ કરી દીધું છે.
માનુષીને ઓફર ન મળી હોવાનો કરાયો દાવો
જોકે, માનુષીના નજીકના વર્તુળો એવો દાવો કરી રહ્યા છે કે આ ફિલ્મ ક્યારેય માનુષીને ઓફર થઈ જ ન હતી. આથી તેના ફિલ્મ છોડી દેવાનો સવાલ જ નથી. આ ફિલ્મનું શૂટિંગ એક મહિના સુધી બેંગ્કોકમાં ચાલવાનું છે. આગામી જાન્યુઆરી સુધીમાં શૂટિંગ પૂર્ણ કરી એપ્રિલ માસમાં રીલિઝ કરી દેવાશે. જોકે, માનુષીના સ્થાને હવે નવી હિરોઈનની જાહેરાત થાય છે કે કેમ તેની રાહ જોવાઈ રહી છે.
