કુણાલ કામરાની મુશ્કેલીઓ વધી, એક જ પોલીસ સ્ટેશનમાં કોમેડિયન સામે નોંધાયા ત્રણ કેસ
છેલ્લું અપડેટ : 29 Mar 2025
મહારાષ્ટ્રના નાયબ મુખ્યમંત્રી એકનાથ શિંદે પર વિવાદાસ્પદ કવિતા સંભળાવ્યા બાદ કુણાલ કામરા ભારે મુશ્કેલીમાં મુકાઈ ગયો છે. આ કિસ્સામાં, કોમેડિયનની મુશ્કેલીઓ ઓછી થતી નથી લાગતી. કામરા વિરુદ્ધ ખાર પોલીસ સ્ટેશનમાં ત્રણ કેસ નોંધાયા છે. ડેપ્યુટી સીએ એકનાથ શિંદ માટે વાંધાજનક નિવેદનો આપવાના આરોપસર ત્રણેય કેસ નોંધવામાં આવ્યા છે.
ખાર પોલીસ સ્ટેશનમાં કુણાલ કામરા વિરુદ્ધ નોંધાયેલા ત્રણ કેસમાંથી એક ફરિયાદ જલગાંવ શહેરના મેયરની છે. ખાર પોલીસે નાસિકના એક હોટેલિયર અને એક વેપારીની ફરિયાદ પર પણ કેસ નોંધ્યો છે. ખાર પોલીસ આ મામલે વધુ તપાસ કરી રહી છે. તમને જણાવી દઈએ કે ખાર પોલીસે કામરાને પૂછપરછ માટે બે વાર બોલાવ્યો છે, પરંતુ કામરા હજુ સુધી પૂછપરછ માટે હાજર નથી થયો.
પોલીસે કામરાને બે વાર સમન્સ મોકલ્યા
ખાર પોલીસ સ્ટેશનથી કોમેડિયન કુણાલ કામરાને બે વાર સમન્સ મોકલવામાં આવ્યા છે. પહેલા સમન્સ પર, કુણાલ કામરાએ પોલીસ પાસે એક અઠવાડિયાનો સમય માંગ્યો હતો. જોકે, પોલીસે તેનો ઇનકાર કર્યો હતો. ખાર પોલીસે કોમેડિયનને બીજો સમન્સ મોકલીને 31 માર્ચે તપાસ માટે હાજર થવાનું કહ્યું છે. કુણાલ કામરાએ 2 એપ્રિલ સુધીનો સમય માંગ્યો હતો, પરંતુ પોલીસે તેને સમય ન આપ્યો અને 31 માર્ચે સવારે 11 વાગ્યા સુધીમાં ખાર પોલીસ સ્ટેશનમાં હાજર થવાનું કહ્યું હતું.
શું છે આખો મામલો?
તમને જણાવી દઈએ કે થોડા સમય પહેલા કુણાલ કામરાનો એક સ્ટેન્ડ-અપ કોમેડી વીડિયો સામે આવ્યો હતો. આમાં કામરાએ એકનાથ શિંદેનું નામ લીધા વિના તેમના માટે 'દેશદ્રોહી' જેવા શબ્દોનો ઉપયોગ કર્યો હતો. આવી સ્થિતિમાં, શિવસેનાના કાર્યકરોએ પણ હંગામો મચાવ્યો અને કામરાનો વીડિયો શૂટ કરાયેલા સ્ટુડિયોમાં તોડફોડ પણ કરી હતી.
