VIDEO: UPSC CMS 2026નું નોટિફિકેશન બહાર પડ્યું, આ તારીખ પહેલા કરી લો અરજી
છેલ્લું અપડેટ : 14 Mar 2026
જો તમે સરકારી નોકરી શોધી રહ્યા છો, તો આ સમાચાર તમારા માટે છે. યુનિયન પબ્લિક સર્વિસ કમિશન (UPSC) એ કમ્બાઈન્ડ મેડિકલ સર્વિસીસ (CMS) એક્ઝામિનેશન 2026 માટે નોટિફિકેશન બહાર પાડ્યું છે. આ માટે અરજી પ્રક્રિયા પણ શરૂ થઈ ગઈ છે. રસ ધરાવતા અને લાયક ઉમેદવારો સત્તાવાર વેબસાઈટની મુલાકાત લઈને અરજી કરી શકે છે. આ ભરતી માટે અરજી કરવાની છેલ્લી તારીખ 31 માર્ચ, 2026 છે. રસ ધરાવતા ઉમેદવારોએ આ તારીખ સુધીમાં અથવા તે પહેલા અરજી કરી લેવી જોઈએ.
અરજી કેવી રીતે કરવી?
- સૌપ્રથમ સત્તાવાર વેબસાઈટ, upsconline.nic.in ની મુલાકાત લો.
- ત્યારબાદ હોમપેજ પર સંબંધિત લિંક પર ક્લિક કરો.
- હવે રજીસ્ટ્રેશન કરી લો.
- રજીસ્ટ્રેશન કર્યા પછી અરજી ફોર્મ ભરીને સબમિટ કરો.
- ફોર્મ સબમિટ કર્યા પછી કન્ફર્મેશન પેજ ડાઉનલોડ કરો.
- છેલ્લે ફોર્મની પ્રિન્ટ કાઢી લો.
લાયકાત
પરીક્ષા માટે અરજી કરનારા ઉમેદવારોએ ફાઈનલ MBBS પરીક્ષાના લેખિત અને પ્રેક્ટિકલ પાર્ટ પાસ કર્યા હોવા જોઈએ. MBBSના તેમના ફાઈનલ યરમાં અભ્યાસ કરતા વિદ્યાર્થીઓ પણ અરજી કરવા માટે પાત્ર છે. જોકે, સિલેક્શનના ફાઈનલ સ્ટેજ પહેલા તેમણે ફાઈનલ MBBS પરીક્ષા પાસ કર્યાનો પુરાવો આપવો આવશ્યક છે.
પસંદગી પ્રક્રિયા શું છે?
આ ભરતી માટેની પસંદગી પ્રક્રિયામાં બે તબક્કાનો સમાવેશ થાય છે, કમ્પ્યુટર આધારિત લેખિત પરીક્ષા અને વ્યક્તિત્વ પરીક્ષણ (ઇન્ટરવ્યુ). લેખિત પરીક્ષા પાસ કરનારા ઉમેદવારોને ઇન્ટરવ્યુ માટે બોલાવવામાં આવશે.
પરીક્ષા ક્યારે યોજાશે?
UPSC પરીક્ષા કેલેન્ડર મુજબ, UPSC CMS 2026 પરીક્ષા 2 ઓગસ્ટ, 2026ના રોજ યોજાશે.
