BANK JOB / IBPS એ 13 હજારથી વધુ જગ્યાઓ પર બહાર પાડી ભરતી, ગ્રેજ્યુએટ ઉમેદવારો માટે છે સુવર્ણ તક
છેલ્લું અપડેટ : 04 Sept 2025
બેંકમાં નોકરી મેળવવા ઈચ્છતા ગ્રેજ્યુએટ ઉમેદવારો માટે આ ખૂબ જ ઉપયોગી સમાચાર છે. IBPS RRB ભરતી 2025 (પ્રાદેશિક ગ્રામીણ બેંક) માટે અરજી પ્રક્રિયા શરૂ થઈ ગઈ છે. રસ ધરાવતા ઉમેદવારો IBPS ibps.in ની સત્તાવાર વેબસાઈટની મુલાકાત લઈને 21 સપ્ટેમ્બર સુધી અરજી કરી શકે છે.
IBPS RRB ખાલી જગ્યા હેઠળ કુલ 13,217 જગ્યાઓ પર ભરવાની છે. આ ભરતી પ્રક્રિયા હેઠળ, દેશભરમાં ભાગ લેનાર પ્રાદેશિક ગ્રામીણ બેંકમાં પ્રોબેશનરી ઓફિસર (PO), ઓફિસર સ્કેલ 1, 2 અને 3 અને ઓફિસ આસિસ્ટન્ટ (ક્લાર્ક) ની જગ્યાઓ માટે ભરતી કરવામાં આવશે.
શૈક્ષણિક લાયકાત અને વય મર્યાદા
આ ભરતી અભિયાનમાં અલગ અલગ જગ્યાઓ માટે અલગ અલગ શૈક્ષણિક લાયકાત અને વય મર્યાદા નક્કી કરવામાં આવ્યા છે. તેના વિશે જાણવા માટે તમે ભરતીનું સત્તાવાર નોટિફિકેશન ચેક કરી શકો છો. તમને જણાવી દઈએ કે SC અને ST કેટેગરીના ઉમેદવારોને મહત્તમ વય મર્યાદામાં 5 વર્ષ અને OBC કેટેગરીના ઉમેદવારો માટે 3 વર્ષની છૂટ આપવામાં આવી છે.
અરજી ફી
જનરલ, OBC અને EWS કેટેગરીના ઉમેદવારો માટે અરજી ફી 850 રૂપિયા નક્કી કરવામાં આવી છે. જ્યારે SC, ST અને દિવ્યાંગ કેટેગરીના ઉમેદવારોએ 175 રૂપિયા અરજી ફી ચૂકવવાની રહેશે.
અરજી કેવી રીતે કરવી?
- IBPS ibps.in ની સત્તાવાર વેબસાઈટ પર જાઓ.
- હોમ પેજ પર આપેલ CRP-RRB-XIV અરજી લિંક પર ક્લિક કરો.
- રજીસ્ટ્રેશન કરો અને અરજી ફોર્મ ભરો.
- ત્યારબાદ માંગવામાં આવેલા બધા ડોક્યુમેન્ટ અપલોડ કરો.
- આ પછી અરજી ફી ચૂકવો અને ફોર્મ સબમિટ કરો.
- ભવિષ્યના સંદર્ભ માટે ફોર્મની પ્રિન્ટ કાઢી લો.
પસંદગી પ્રક્રિયા
આ ભરતી હેઠળ, ઉમેદવારોની પસંદગી ત્રણ તબક્કામાં કરવામાં આવશે. પ્રથમ તબક્કામાં, એક પ્રિલિમ્સ હશે અને તેમાં પાસ થનારા ઉમેદવારો પસંદગી પ્રક્રિયાના બીજા તબક્કા એટલે કે મેઈન્સમાં હાજર રહેશે. મેઈન્સ પાસ કરનાર ઉમેદવારો ત્રીજા તબક્કા, ઇન્ટરવ્યુમાં હાજર રહેશે.
