Railway Jobs / રેલ્વેમાં 9 હજારથી વધુ જગ્યાઓ માટે અરજી પ્રક્રિયા શરૂ, જાણો લાયકાત અને પગાર સહિતની વિગતો
છેલ્લું અપડેટ : 12 Apr 2025
રેલ્વેમાં નોકરી મેળવવાનું સપનું જોતા યુવાનો માટે સારા સમાચાર છે. રેલ્વે ભરતી બોર્ડ (RRB) એ 9 હજારથી વધુ જગ્યાઓ માટે ભરતીની જાહેરાત કરી છે, જેના માટે અરજી પ્રક્રિયા આજથી એટલે કે 12 એપ્રિલથી શરૂ થઈ ગઈ છે. આ ભરતી આસિસ્ટન્ટ લોકો પાયલોટ (Assistant Loco Pilot) ના પદ માટે કરવામાં આવશે. લાયક અને રસ ધરાવતા ઉમેદવારો RRBની સત્તાવાર વેબસાઈટ, rrbapply.gov.in ની મુલાકાત લઈને આ જગ્યાઓ માટે અરજી કરી શકે છે. આ ભરતી ઝુંબેશ હેઠળ, આસિસ્ટન્ટ લોકો પાયલોટની કુલ 9970 જગ્યાઓ ભરવામાં આવશે. રેલ્વે ભરતી બોર્ડે અરજી કરવાની છેલ્લી તારીખ 11 મે 2025 નક્કી કરી છે.
શૈક્ષણિક લાયકાત અને વય મર્યાદા
આસિસ્ટન્ટ લોકો પાયલોટની આ જગ્યાઓ માટે અરજી કરનારા ઉમેદવારો 10મું પાસ અને સંબંધિત ટ્રેડમાં ITI પાસ કરેલું હોવું જોઈએ. જોકે, જેમની પાસે સંબંધિત ક્ષેત્રમાં એન્જિનિયરિંગ ડિપ્લોમા/ડિગ્રી છે તેઓ પણ અરજી કરી શકે છે. આ જગ્યાઓ માટે 18 થી 30 વર્ષની વયના ઉમેદવારો અરજી કરી શકે છે. જોકે, OBC, SC અને ST જેવી રિઝર્વ કેટેગરીઓના ઉમેદવારોને સરકારી નિયમો અનુસાર ઉપલી વય મર્યાદામાં છૂટછાટ આપવામાં આવશે.
અરજી ફી
જનરલ કેટેગરી માટે અરજી ફી 500 રૂપિયા નક્કી કરવામાં આવી છે. જોકે, જો ઉમેદવારો પ્રથમ તબક્કાની પરીક્ષા એટલે કે CBT-1 માં હાજર રહે છે, તો તેમને અરજી ફીના 400 રૂપિયા પરત કરવામાં આવશે. તેવી જ રીતે, EBC, SC, ST, મહિલા અને દિવ્યાંગ કેટેગરી માટે અરજી ફી 250 રૂપિયા છે, પરંતુ CBT-1 માં હાજર રહ્યા પછી તેમને સંપૂર્ણ રકમ પરત કરવામાં આવશે.
કેવી રીતે અરજી કરવી?
- સૌ પ્રથમ RRBની સત્તાવાર વેબસાઈટ rrbapply.gov.in પર જાઓ.
- પછી હોમપેજ પર ઉપલબ્ધ RRB ALP ભરતી 2025 લિંક પર ક્લિક કરો.
- તે પછી એક નવું પેજ ખુલશે તેમાં રજીસ્ટ્રેશનની વિગતો દાખલ કરો.
- આ પછી તમારું અરજી ફોર્મ ભરો અને જરૂરી ફી ચૂકવો.
- પછી સબમિટ પર ક્લિક કરો અને કન્ફર્મેશન પેજ ડાઉનલોડ કરો.
- ભવિષ્યના ઉપયોગ માટે તેની એક હાર્ડ કોપી તમારી પાસે રાખો.
પસંદગી પ્રક્રિયા અને પગાર
રેલ્વેમાં આસિસ્ટન્ટ લોકો પાયલોટની આ ભરતી પ્રક્રિયા 5 તબક્કામાં પૂર્ણ થશે, જેમાં CBT-1, CBT-2, કોમ્પ્યુટર આધારિત એપ્ટિટ્યુડ ટેસ્ટ (CBAT), ડોક્યુમેન્ટ વેરિફિકેશન અને મેડિકલ ટેસ્ટનો સમાવેશ થાય છે. આ બધાના આધારે, મેરિટ લિસ્ટ તૈયાર કરવામાં આવશે અને પસંદ કરાયેલા ઉમેદવારોને જોઇનિંગ લેટર્સ મોકલવામાં આવશે. આસિસ્ટન્ટ લોકો પાયલોટ પદ માટે પસંદ કરાયેલા ઉમેદવારોને દર મહિને 19,900 રૂપિયાનો પ્રારંભિક પગાર મળશે.
