CLAT 2027 માટે એડમિટ કાર્ડ બહાર પાડવામાં આવ્યું, આ રીતે કરી શકો છો ડાઉનલોડ

નેશનલ લો યુનિવર્સિટીઝના કન્સોર્ટિયમે CLAT UG અને PG પરીક્ષાઓ માટે CLAT 2027 એડમિટ કાર્ડ બહાર પાડ્યું છે. આ પરીક્ષાઓ માટે અરજી કરનારા ઉમેદવારો રજીસ્ટર્ડ મોબાઈલ નંબર અને પાસવર્ડનો ઉપયોગ કરીને સત્તાવાર વેબસાઈટ consortiumofnlus.ac.in પરથી એડમિટ કાર્ડ ડાઉનલોડ કરી શકે છે. CLAT 2027 પરીક્ષા 6 ડિસેમ્બર, 2026ના રોજ બપોરે 2:00થી 4:00 વાગ્યા સુધી ઓફલાઇન યોજાશે. એડમિટ કાર્ડ ડાઉનલોડ સુવિધા 6 ડિસેમ્બર, 2026ના રોજ બપોરે 1:30 વાગ્યા સુધી પણ ઉપલબ્ધ રહેશે.
એડમિટ કાર્ડ કેવી રીતે ડાઉનલોડ કરવું?
- સૌપ્રથમ NLUsના કન્સોર્ટિયમની સત્તાવાર વેબસાઈટ consortiumofnlus.ac.in ની મુલાકાત લો.
- આ પછી CLAT 2027 વિભાગ ખોલો.
- હવે ઉમેદવાર લોગિન પોર્ટલ પર જાઓ અને તમારો રજીસ્ટર્ડ મોબાઇલ નંબર અને પાસવર્ડ દાખલ કરો.
- આ પછી એપ્લિકેશન ડેશબોર્ડમાં સાઈન ઈન કરો.
- હવે ડાઉનલોડ એડમિટ કાર્ડ વિકલ્પ પર ક્લિક કરો.
- તમે જે CLAT 2027 UG/PG ડાઉનલોડ કરવા માંગો છો તેના પર ક્લિક કરો.
- ઉમેદવારની વિગતો, પરીક્ષા કેન્દ્ર, તારીખ અને રિપોર્ટિંગ સૂચનાઓ તપાસો.
- છેલ્લે એડમિટ કાર્ડ ડાઉનલોડ કરો અને પ્રિન્ટ કાઢી લો.
પરીક્ષા 27 યુનિવર્સિટીઓમાં પ્રવેશ માટે હશે
CLAT 2027 પરીક્ષા દેશભરની 27 રાષ્ટ્રીય લો યુનિવર્સિટીઓ અને લો સંસ્થાઓમાં પ્રવેશ માટે લેવામાં આવે છે. આ યુનિવર્સિટીઓમાં બેંગલુરુ, હૈદરાબાદ, કોલકાતા, જોધપુર, રાયપુર, ગાંધીનગર, લખનૌ, પંજાબ, પટના, ઓડિશા, મુંબઈ, નાગપુર, શિમલા, હરિયાણા, પ્રયાગરાજ, રાંચી અને આસામની મુખ્ય લો યુનિવર્સિટીઓનો સમાવેશ થાય છે.
એડમિટ કાર્ડમાં કોઈપણ સમસ્યા માટે અહીં સંપર્ક કરો
બોર્ડ દ્વારા જારી કરાયેલ એડમિટ કાર્ડમાં રોલ નંબર, પરીક્ષા કેન્દ્ર અને પરીક્ષા દિવસની સૂચનાઓ શામેલ છે. ઉમેદવારોને સલાહ આપવામાં આવે છે કે તેઓ ડોક્યુમેન્ટ ડાઉનલોડ કર્યા પછી તેની બધી માહિતી કાળજીપૂર્વક તપાસે. એડમિટ કાર્ડ મેળવવામાં કે ડાઉનલોડ કરવામાં કોઈ મુશ્કેલી પડે તો, ઉમેદવારો કન્સોર્ટિયમના હેલ્પલાઈન નંબર: 080-47162020 પર સંપર્ક કરીને અથવા [email protected] પર ઈમેઈલ કરીને મદદ મેળવી શકે છે.
આ વર્ષે પરીક્ષા પેટર્ન શું છે?
CLAT 2027 અંડરગ્રેજ્યુએટ પરીક્ષામાં કુલ 120 માર્ક્સ હશે. ઉમેદવારોને 120 MCQ પૂછવામાં આવશે. દરેક સાચા જવાબ માટે એક માર્ક આપવામાં આવશે, જ્યારે દરેક ખોટા જવાબ માટે 0.25 માર્ક કાપવામાં આવશે. ઉમેદવારોને પરીક્ષા માટે બે કલાક ફાળવવામાં આવશે.








