શું હવે રોજિંદા વસ્તુઓ પણ મોંઘી થશે? ટ્રમ્પના ટેરિફની તમારા ખિસ્સા પર પડશે આટલી અસર 

અમેરિકાના રાષ્ટ્રપતિ ડોનાલ્ડ ટ્રમ્પે ભારત પર મોટો નિર્ણય લીધો છે. હવે 1 ઓગસ્ટ 2025થી ભારતથી અમેરિકા મોકલવામાં આવતા માલ પર 25% ટેક્સ એટલે કે ટેરિફ વસૂલવામાં આવશે. આ સાથે એક દંડ પણ લાદવામાં આવશે. ટ્રમ્પે આ નિર્ણય એટલા માટે લીધો કારણ કે ભારત રશિયા પાસેથી હથિયાર અને તેલ ખરીદી રહ્યું છે. હવે દરેકના મનમાં પ્રશ્ન એ છે કે આની આપણા પર શું અસર પડશે? શું પેટ્રોલ અને ડીઝલ મોંઘા થશે? શું દવાઓના ભાવ વધશે? તો વિશે જાણો વિગતવાર...

શું બધું મોંઘુ થઈ શકે છે?

હાલ આ ટેરિફ ફક્ત ભારતથી અમેરિકા મોકલવામાં આવતા માલ પર જ લાગુ થશે. પરંતુ જો ભારત પણ અમેરિકાથી આવતા માલ પર ટેક્સ વધારશે, તો કેટલીક બાબતો તમારા બજેટને અસર કરી શકે છે.

પેટ્રોલ, ડીઝલ અને ગેસ સિલિન્ડર

અમેરિકાથી ભારત ઘણું ક્રૂડ ઓઈલ અને એલપીજી આયાત કરે છે. જો ભારત આના પર ટેક્સ વધારશે, તો પેટ્રોલ-ડીઝલ અને ગેસ સિલિન્ડરના ભાવમાં 5-7 રૂપિયાનો વધારો થઈ શકે છે.

મશીનો અને ઇલેક્ટ્રોનિક્સ વસ્તું

ઘણી મોટી મશીનો અને ઇલેક્ટ્રોનિક્સ અમેરિકાથી ભારતમાં આવે છે. જો તેમના પર પણ કર લાદવામાં આવે તો, વોશિંગ મશીન, રેફ્રિજરેટર અથવા મોબાઇલ જેવા ઘણા ઘરગથ્થુ ઉત્પાદનો મોંઘા થઈ શકે છે.

જંતુનાશકો અને રાસાયણિક ઉત્પાદનો 

ખેતીમાં વપરાતા રસાયણો અને જંતુનાશકો પણ અમેરિકાથી આવે છે. તેની કિંમતોમાં વધારો ખેતીને અસર કરી શકે છે અને તેની અસર શાકભાજી અને ખાદ્ય ચીજોના ભાવ પર પણ જોવા મળી શકે છે.

નિકાસ કરતી કંપનીઓની ચિંતા વધી

ભારત દર વર્ષે અમેરિકાને લગભગ $83 બિલિયનનો માલ વેચે છે. આમાં દવાઓ, કપડાં અને મશીનોનો સમાવેશ થાય છે. હવે 25% ટેરિફ લાદવાને કારણે અમેરિકામાં આ માલ મોંઘો થશે. કંપનીઓને કાં તો કિંમતો ઘટાડવી પડશે અથવા ઓછા ઓર્ડર મળી શકે છે. આનાથી દેશની કમાણી પર પણ અસર પડશે અને ડોલર સામે રૂપિયાનું મૂલ્ય વધુ ઘટી શકે છે.