VIDEO: અમેરિકાની ફેડ બેઠકની અસર! સોના-ચાંદીના ભાવમાં જોરદાર ઉછાળો, બજાર ખૂલતાં જ તેજી
છેલ્લું અપડેટ : 20 Aug 2026
Gold Silver Price Today 20 August : અમેરિકી મધ્યસ્થ બેંક ફેડરલ રિઝર્વ (US Fed) ની તાજેતરની નીતિગત બેઠકના મિનિટ્સ (FOMC Minutes) જાહેર થતાં જ આંતરરાષ્ટ્રીય અને ભારતીય સ્થાનિક બજારોમાં સોના અને ચાંદીની કિંમતોમાં ભારે ઉછાળો જોવા મળ્યો છે. ગ્લોબલ માર્કેટમાં તેજી આવવાની સાથે જ આજે 20 ઓગસ્ટે ભારતીય બુલિયન માર્કેટમાં પણ સોના-ચાંદીના ભાવ ઊંચી સપાટીએ પહોંચી ગયા છે.
આંતરરાષ્ટ્રીય માર્કેટમાં કિંમતોમાં તેજી
ઈન્ટરનેશનલ માર્કેટ Comex પર સોના અને ચાંદી બંનેના ભાવમાં મોટો ઉછાળો નોંધાયો છે. આંકડાઓ અનુસાર, Comex પર સોનાની કિંમત 0.08% વધીને 4549.00 ડોલર પ્રતિ ઓંસ પર પહોંચી ગઈ છે. બીજી તરફ, ચાંદીના ભાવમાં પણ 2.11% નો મજબૂત ઉછાળો જોવા મળ્યો છે અને તે 67.125 ડોલર પ્રતિ ઓંસ પર ટ્રેડ કરતી જોવા મળી હતી.
MCX પર સોના-ચાંદીના ભાવ ભડકે બળ્યા
ભારતીય મલ્ટી કમોડિટી એક્સચેન્જ (MCX) પર પણ સોના-ચાંદીની ચમક પાછી ફરી છે. બજાર ખુલતાની સાથે જ MCX પર સોનું 444 રૂપિયા વધીને ₹1,58,440 પ્રતિ 10 ગ્રામ પર ટ્રેડ કરી રહ્યું હતું. જ્યારે ચાંદીમાં સવારે જ 3,523 રૂપિયાનો મોટો ઉછાળો જોવા મળ્યો હતો. જેના કારણે કિંમત વધીને ₹2,40,310 પ્રતિ કિલોગ્રામ પર પહોંચી ગઈ હતી.
ભારતમાં 24, 22 અને 18 કેરેટ સોનાના આજના રેટ
ભારતીય બુલિયન માર્કેટમાં વિવિધ કેરેટના સોનાના ભાવમાં પણ નોંધપાત્ર વધારો થયો છે:
24 કેરેટ સોનું: લગભગ ₹1,58,520 પ્રતિ 10 ગ્રામની આસપાસ ટ્રેડ થઈ રહ્યું છે.
22 કેરેટ સોનું: આશરે ₹1,45,310 પ્રતિ 10 ગ્રામની સપાટી પર છે.
18 કેરેટ સોનું: આશરે ₹1,18,890 પ્રતિ 10 ગ્રામના ભાવે ટ્રેન્ડ કરી રહ્યું છે.
ચાંદીનો ભાવ: ભારતમાં ચાંદીનો ભાવ પણ પ્રતિ કિલોગ્રામ ₹2,41,080 ની આસપાસ પહોંચી ગયો છે.