Weekly Update: ઓલ-ટાઇમ હાઈથી ચાંદી ₹1.90 લાખ કરતાં વધુ સસ્તી, સોનાના ભાવમાં પણ ઘટાડો 

Silver Price Crash: વૈશ્વિક બજારની અસ્થિરતા વચ્ચે સોના અને ચાંદીના ભાવોમાં (Gold-Silver Rates) વિતેલા સપ્તાહના ચાર ટ્રેડિંગ સેશનમાં મોટો ફેરફાર જોવા મળ્યો છે. મલ્ટી કોમોડિટી એક્સચેન્જ (MCX) પર ચાંદીની કિંમતોમાં ભારે કડાકો નોંધાયો છે. આ તાજા ઘટાડા બાદ, હવે 1 કિલોગ્રામ ચાંદીની વાયદા કિંમત (Silver Futures Price) તેના ઓલ-ટાઇમ હાઇ લેવલથી ₹1.90 લાખ કરતાં વધુ સસ્તી થઈ ચૂકી છે. નોંધનીય છે કે ચાંદી એ ચાલુ વર્ષે જાન્યુઆરી મહિનામાં આ ઐતિહાસિક સપાટીને સ્પર્શી હતી. બીજી તરફ, સોનાના ભાવોમાં પણ તમામ ઉતાર-ચઢાવ વચ્ચે સામાન્ય ઘટાડો જોવા મળ્યો છે.

આ પણ વાંચો :

બજારમાં મોટી હલચલ: ક્રૂડમાં કડાકો, સેન્સેક્સ-નિફ્ટીમાં ભારે વોલેટિલિટી વચ્ચે સોનું-ચાંદી સસ્તા થયા

Market Update: રોકાણકારોને ડબલ ફાયદો! શેરબજાર ઉછળ્યું અને સોના-ચાંદીના ભાવ ગગડ્યા, જાણો આજના લેટેસ્ટ રેટ

ચાંદીના ભાવમાં પ્રતિ કિલો ₹4,800 થી વધુનો ઘટાડો

આ પણ વાંચો :

સોના-ચાંદીના ભાવમાં આવશે ભયંકર ઉછાળો, શેરબજાર થશે ક્રેશ! Robert Kiyosakiની ચોંકાવનારી ભવિષ્યવાણી

સોનું મોંઘું થતાં ડિમાન્ડ પર બ્રેક! ભારતમાં આ વર્ષે સોનાનો વપરાશ ઘટવાની આશંકા

છેલ્લા અઠવાડિયાના મોટાભાગના કામકાજના દિવસોમાં ચાંદીના ભાવ સતત દબાણ હેઠળ રહ્યા છે. MCX પર 3 જુલાઈની એક્સપાયરી વાળી ચાંદીનો ભાવ ₹2,537 ઘટીને ₹2,67,000 પ્રતિ કિલો પર આવી ગયો છે. અઠવાડિયાના કુલ ઘટાડા પર નજર કરીએ તો, અગાઉના સપ્તાહના અંતિમ ટ્રેડિંગ દિવસે ચાંદી ₹2,71,846 પર બંધ થઈ હતી, જેમાં આ અઠવાડિયે ₹4,846 પ્રતિ કિલો સુધીનો મોટો ઘટાડો નોંધાયો છે. વાયદા બજારની સાથે ઘરેલું હાજર (Spot) માર્કેટમાં પણ ઇન્ડિયન બુલિયન જ્વેલર્સ એસોસિએશન (IBJA) ની વેબસાઇટ અનુસાર, 1 કિલો ચાંદીનો ભાવ વિતેલા સપ્તાહના ₹2,66,000 થી ઘટીને ₹2,63,350 પર આવી ગયો છે.

ઓલ-ટાઇમ હાઇ લેવલથી ચાંદી અડધા ભાવે!

યાદ અપાવી દઈએ કે, જાન્યુઆરી 2026 માં ચાંદી પ્રથમ વખત ₹4 લાખની ઐતિહાસિક સપાટી વટાવીને ₹4,57,328 પ્રતિ કિલો ના ઓલ-ટાઇમ હાઇ સ્તરે પહોંચી હતી. આ રેકોર્ડ સપાટી બાદથી આ કિંમતી ધાતુ સતત ક્રેશ થઈ રહી છે. વર્તમાન ઘટાડા બાદ ચાંદી તેના હાઇ લેવલથી ₹1,90,328 પ્રતિ કિલો સસ્તી મળી રહી છે.

સોનાના ભાવની સ્થિતિ

MCX પર ચાંદીની સરખામણીએ સોનાના ભાવમાં નજીવો ઘટાડો જોવા મળ્યો છે. વાયદા બજારમાં 22 મેના રોજ 10 ગ્રામ (24 કેરેટ) સોનાનો ભાવ ₹1,61,320 હતો, જે વિતેલા શુક્રવારે ₹1,61,049 પ્રતિ 10 ગ્રામ પર બંધ રહ્યો હતો. જોકે, 5 જૂનની એક્સપાયરી વાળું વાયદા સોનું તેના ઓલ-ટાઇમ હાઇ લેવલ ₹2,02,984 ની સરખામણીએ હાલમાં ₹41,935 પ્રતિ 10 ગ્રામ સસ્તું મળી રહ્યું છે. ઘરેલું હાજર બજાર (Domestic Market) ની વાત કરીએ તો, IBJA ના આંકડા અનુસાર 10 ગ્રામ સોનાનો ભાવ ₹1,58,117 થી ઘટીને ₹1,56,463 પર આવી ગયો છે, એટલે કે ઘરેલું બજારમાં સોનું ₹1,654 સસ્તું થયું છે.