VIDEO: વાયદા બજારમાં સોના-ચાંદીમાં મોટો કડાકો, બે દિવસમાં સોનું રૂ. 3,755 અને ચાંદી રૂ. 14,030 તૂટી
છેલ્લું અપડેટ : 11 Sept 2026
દેશના કોમોડિટી બજારમાં સોના અને ચાંદીના ભાવમાં છેલ્લા બે દિવસથી ભારે ઘટાડો નોંધાઈ રહ્યો છે. કિંમતી ધાતુઓના ભાવમાં આવેલા આ કડાકાથી રોકાણકારો અને ગ્રાહકોની ચિંતા વધી છે. માત્ર બે દિવસના કારોબારમાં સોનાના ભાવમાં રૂ. 3,755 જ્યારે ચાંદીમાં રૂ. 14,030નો ઘટાડો થયો છે. આજે પણ બજાર ખુલતાની સાથે બંને ધાતુઓના ભાવમાં ઘટાડો જોવા મળ્યો હતો. સોનું રૂ. 1,510 અને ચાંદી રૂ. 3,331ના ઘટાડા સાથે કારોબાર કરી રહી હતી.
બે દિવસમાં સોના-ચાંદીના ભાવ ધડામ
વાયદા બજારના તાજેતરના આંકડા અનુસાર, છેલ્લા બે ટ્રેડિંગ સત્ર દરમિયાન સોના અને ચાંદીના ભાવમાં ભારે ઘટાડો નોંધાયો છે. સોનાના ભાવમાં કુલ રૂ. 3,755નો ઘટાડો થયો છે, જ્યારે ચાંદીમાં રૂ. 14,030નો મોટો કડાકો જોવા મળ્યો છે. ખાસ કરીને ગઈકાલના કારોબારમાં ચાંદીના ભાવમાં એક જ દિવસમાં રૂ. 11,000થી વધુનો ઘટાડો થયો હતો. બીજી તરફ સોનામાં પણ આશરે રૂ. 3,000નો કડાકો નોંધાયો હતો.
સોનાના ભાવમાં આજે પણ ઘટાડો
વાયદા બજારમાં સોનું (GOLD 05 Oct 2026) ગત બંધ ભાવ રૂ. 1,52,341ની સરખામણીએ આજે રૂ. 1,50,770ના ભાવે ખુલ્યું હતું. ત્યારબાદ સોનું અગાઉના ભાવથી રૂ. 1,510 એટલે કે 0.99 ટકાના ઘટાડા સાથે રૂ. 1,50,831ના સ્તરે કારોબાર કરી રહ્યું હતું. આજના સત્ર દરમિયાન સોનાએ મહત્તમ રૂ. 1,51,198 અને લઘુત્તમ રૂ. 1,50,695ની સપાટી નોંધાવી હતી.
ચાંદીમાં પણ ભારે વેચવાલી
ચાંદી (SILVER 04 Dec 2026)ના ભાવમાં પણ આજે મોટો ઘટાડો જોવા મળ્યો છે. ગત બંધ ભાવ રૂ. 2,34,099ની સામે ચાંદી આજે રૂ. 2,31,569ના ભાવે ખૂલી હતી. ત્યારબાદ ચાંદી રૂ. 3,331 એટલે કે 1.42 ટકાના ઘટાડા સાથે રૂ. 2,30,768ના સ્તરે કારોબાર કરી રહી હતી. કારોબાર દરમિયાન ચાંદીનો ભાવ ઊંચામાં રૂ. 2,32,001 અને નીચામાં રૂ. 2,30,270 સુધી પહોંચ્યો હતો.
સોના-ચાંદીના ભાવમાં અચાનક આવેલા આ મોટા ઘટાડાને કારણે કિંમતી ધાતુઓના બજારમાં ચિંતા વધી છે. હવે આગામી ટ્રેડિંગ સત્રોમાં બંને ધાતુઓના ભાવ કઈ દિશામાં આગળ વધે છે તેના પર રોકાણકારો અને ગ્રાહકોની નજર રહેશે.
