Budget 2026: શેરબજારને લઈ મોટો નિર્ણય, 1 એપ્રિલ 2026થી લાગુ થશે આ નિયમ

બજેટ 2026માં નાણા મંત્રી નિર્મલા સીતારમણે શેર બાયબેક (Share Buyback) સંબંધિત ટેક્સના નિયમોમાં ઐતિહાસિક ફેરફાર કરવાની દરખાસ્ત મૂકી છે. જો તમે શેરબજારમાં રોકાણ કરો છો, તો આ સમાચાર તમારા માટે મહત્ત્વના છે. અત્યાર સુધી શેરબજારમાં બાયબેક પર મળતી રકમ ‘ડિવિડન્ડ’ ગણાતી હતી, પરંતુ હવે તેને કેપિટલ ગેઈન (Capital Gains) ગણવામાં આવશે. આ નિયમ 1 એપ્રિલ 2026થી લાગુ થઈ જશે. 

આ પણ વાંચો :

'ભારત દુનિયાની સૌથી મોટી અર્થવ્યવસ્થા બનવા તરફ અગ્રેસર', જાણો ક્યા મંત્રાલયને કેટલું મળ્યું બજેટ

Budget 2026: કોર્પોરેટ જગતે બજેટ 2026ને વધાવ્યું, કેટલાક નિષ્ણાતો નિષ્ણાતોએ વ્યક્ત કર્યું સાવચેતીભર્યું વલણ

હવે ડિવિડન્ડ નહીં પરંતુ મૂડીનો નફો ગણાશે 

અત્યાર સુધી શેર બાયબેક દ્વારા મળતી રકમ પરના ટેક્સના નિયમો થોડા ગૂંચવણભર્યા હતા. પરંતુ નવા પ્રસ્તાવ મુજબ, હવે બાયબેકથી મળતી રકમને 'ડિવિડન્ડ' નહીં પણ 'કેપિટલ ગેઈન' (મૂડી નફો) માનવામાં આવશે. તેનો અર્થ એ છે કે હવે બાયબેકથી થતી આવક પર કેપિટલ ગેઈન ટેક્સ લાગુ થશે. આ નિયમો લાગુ થયા પછી કોઈ કંપની તમારા શેર પરત ખરીદશે (બાયબેક), ત્યારે તેનાથી થતો નફો તમારા ટેક્સ સ્લેબ મુજબ નહીં, પણ કેપિટલ ગેઈન તરીકે ટેક્સપાત્ર ગણાશે.

નાના રોકાણકારોને કેવી રીતે ફાયદો થશે?

મધ્યમ વર્ગના રોકાણકારો માટે આ સારા સમાચાર છે. પહેલા 30% સુધીનો ઉંચો ટેક્સ લાગતો હતો, હવે રોકાણના સમયગાળા મુજબ લોંગ ટર્મ (12.5%) કે શોર્ટ ટર્મ (20%) ટેક્સ લાગશે. રોકાણકારો માટે હવે એ ગણતરી સરળ બનશે કે, શેર વેચવા પર કે બાયબેકમાં આપવા પર કેટલો ટેક્સ લાગશે.

સિસ્ટમ વધુ પારદર્શક બનશે

જો કોઈ રોકાણકારે લાંબા સમય માટે શેર રાખ્યા હોય અને તે બાયબેકમાં આપે, તો તેને તેના પર માત્ર 12.5% લોન્ગ ટર્મ કેપિટલ ગેઈન (LTCG) ટેક્સ ચૂકવવો પડશે. પહેલા આ આવક ઘણીવાર ઈન્કમ ટેક્સ સ્લેબ મુજબ ટેક્સપાત્ર થતી હતી, જે વધુ હોઈ શકતી હતી. આ ફેરફારથી ટેક્સની છટકબારીઓ બંધ થશે અને સિસ્ટમ વધુ પારદર્શક બનશે.

નોંધનીય છે કે, આ ફેરફારોમાં પ્રમોટર્સ માટે કડક જોગવાઈનો પણ પ્રસ્તાવ છે. જેમ કે, ઘરેલુ કંપનીઓના પ્રમોટર્સને બાયબેક નફા પર 22% અને વિદેશી કંપનીઓના પ્રમોટર્સને 30% ટેક્સ ચૂકવવો પડશે.