VIDEO: NEWS AFTERNOON / અમેરિકાના એક નિવેદનથી પાકિસ્તાનમાં હડકંપ! રશિયા પર યુક્રેનનો ભીષણ ડ્રોન એટેક
છેલ્લું અપડેટ : 20 Aug 2026
અમેરિકાના એક નિવેદનથી પાકિસ્તાનમાં હડકંપ!
ભારતમાં અમેરિકાના રાજદૂત સર્જિયો ગોરે કાશ્મીર પ્રવાસ દરમિયાન 'જમ્મુ-કાશ્મીર ભારતનો જ ભાગ છે' તેવું સ્પષ્ટ નિવેદન આપ્યું છે. અમેરિકી નાગરિકોને કાશ્મીર પ્રવાસ માટે પ્રોત્સાહિત કરવાની જાહેરાત સાથે જ આંતરરાષ્ટ્રીય સ્તરે પાકિસ્તાનનો ખોટો પ્રોપેગેન્ડા ખુલ્લો પડી ગયો છે.
રશિયા પર યુક્રેનનો ભીષણ ડ્રોન એટેક
યુક્રેને મોસ્કો બહાર આવેલા રશિયાના વિશાળ લોજિસ્ટિક સેન્ટર પર પ્રચંડ ડ્રોન હુમલો કર્યો છે, જેના કારણે રિટેલ વેરહાઉસમાં ભીષણ આગ લાગી ગઈ હતી. યુક્રેનિયન સેનાએ વિસ્ફોટકો ભરેલા વધુ ૨૦ ડ્રોન છોડી રશિયા પર હુમલા તેજ કરવાની તૈયારી દર્શાવી છે.
ભારત-ચીન સરહદ વિવાદ પર રિજિજૂનું નિવેદન
કેન્દ્રીય મંત્રી કિરેન રિજિજૂએ સ્પષ્ટ કર્યું છે કે સરહદ રેખાંકિત ન હોવાથી સમસ્યા ચોક્કસ છે, પરંતુ ચીની સેનાની 60 કિમી અંદર ઘૂસણખોરીના અહેવાલો પાયાવિહોણા છે. સેનાનું મનોબળ તોડતી અફવાઓથી બચીને સરહદી ગતિવિધિઓ પર નજર રાખવી જરૂરી છે.
દેશના અનેક રાજ્યોમાં ભારે વરસાદનું એલર્ટ
હવામાન વિભાગે દિલ્હીમાં વાદળછાયા વાતાવરણ વચ્ચે ઉત્તર પ્રદેશ, મધ્ય પ્રદેશ અને બિહારમાં ભારે વરસાદનું એલર્ટ જારી કર્યું છે. ડિપ્રેશન સક્રિય થતાં યુપી-એમપીના પૂર્વીય ભાગોમાં ઓરેન્જ એલર્ટ જાહેર કરી છૂટાછવાયા વિસ્તારોમાં અતિભારે વરસાદની આગાહી કરવામાં આવી છે.
ભાવનગરમાં ઝેરી દારૂ કાંડ: 9 લોકોના મોત
ભાવનગરમાં મિથેનોલયુક્ત નકલી દારૂ પીવાથી અત્યાર સુધીમાં 9 લોકોનાં મોત થયાં છે અને 40થી વધુ લોકો સારવાર હેઠળ છે. ચોંકાવનારી વાત એ છે કે અમદાવાદથી સામગ્રી મંગાવી દારૂ બનાવનાર મુખ્ય કારીગરે પણ આ ઝેરી દારૂ પીતાં સારવાર દરમિયાન તેનું મોત નીપજ્યું છે.
આમથા ગામે ઝૂંપડામાં ચાલતી આંગણવાડી
નસવાડીના આમથા ગામે વિકાસના દાવા પોકળ સાબિત થયા છે, જ્યાં છેલ્લા બે વર્ષથી આંગણવાડી પાકા મકાનને બદલે નદી કિનારે જર્જરિત ઝૂંપડામાં ચાલી રહી છે. શૌચાલય વિનાના અને ઝેરી જીવજંતુઓના જોખમ વચ્ચે માસૂમ ભૂલકાઓ જીવના જોખમે શિક્ષણ મેળવવા મજબૂર બન્યા છે.
