VIDEO: ગેસ સિલિન્ડર વાપરનારા ખાસ વાંચે! 16 ઓગસ્ટ સુધીમાં આ કામ નહીં કરો તો મુશ્કેલીમાં મુકાશો
છેલ્લું અપડેટ : 06 Aug 2026
જો તમારા ઘરમાં LPG ગેસ સિલિન્ડરનો ઉપયોગ થાય છે, તો આ સમાચાર તમારા માટે મહત્વપૂર્ણ છે. સરકારે LPG યુઝર્સ માટે eKYC પૂર્ણ કરવા પર ભાર મૂક્યો છે. રિપોર્ટ્સ મુજબ, 16 ઓગસ્ટ સુધીમાં eKYC ન કરાવનારા ગ્રાહકોને આગળ જતાં ગેસ સિલિન્ડર બુકિંગ અને અન્ય સેવાઓમાં મુશ્કેલીનો સામનો કરવો પડી શકે છે. જો તમે હજુ સુધી eKYC નથી કરાવ્યું, તો છેલ્લા સમયની રાહ જોવાને બદલે તેને વહેલી તકે પૂર્ણ કરી લેવું વધુ સારું રહેશે.
16 ઓગસ્ટ સુધીમાં પૂર્ણ કરવું પડશે LPG eKYC
દેશભરમાં LPG ઉપભોક્તાઓ માટે eKYC અંગે અભિયાન ચલાવવામાં આવી રહ્યું છે. ઘણી ગેસ એજન્સીઓ ગ્રાહકોને SMS, કોલ અને નોટિસ દ્વારા આંગેની માહિતી આપી રહી છે. 16 ઓગસ્ટ સુધીમાં eKYC ન કરાવનારા ઉપભોક્તાઓને ભવિષ્યમાં ગેસ સિલિન્ડર બુકિંગ અથવા અન્ય સેવાઓમાં મુશ્કેલી આવી શકે છે.
આ લોકોએ ખાસ કરાવવું પડશે eKYC
જો તમે લાંબા સમયથી LPG કનેક્શનનું KYC અપડેટ નથી કરાવ્યું અથવા તાજેતરમાં જ તમારો મોબાઈલ નંબર, સરનામું કે અન્ય માહિતી બદલી છે, તો તમારે સૌથી પહેલા eKYC કરાવવું જોઈએ. આ ઉપરાંત જે ગ્રાહકોને હજુ સુધી ગેસ એજન્સી તરફથી SMS કે કોલ દ્વારા eKYCનો મેસેજ મળ્યો છે, તેમણે પણ તેને ચોક્કસપણે પૂર્ણ કરી લેવું જોઈએ.
LPG eKYC નહીં કરાવો તો શું થશે?
જો નક્કી કરેલા સમય સુધીમાં eKYC કરાવવામાં નહીં આવે, તો ગેસ એજન્સી તમારો રેકોર્ડ અપડેટ નહીં કરી શકે. આની અસર LPG સિલિન્ડર બુકિંગ, સબસિડી સંબંધિત સેવાઓ અને અન્ય સુવિધાઓ પર પડશે. તેથી ગ્રાહકોને સલાહ આપવામાં આવી રહી છે કે તે સમયસર eKYC પ્રક્રિયા પૂર્ણ કરી લે, જેથી પછીથી કોઈ પણ પ્રકારની પરેશાનીનો સામનો ન કરવો પડે.
ગેસ એજન્સીએ જઈને આ રીતે કરાવો LPG eKYC
eKYC કરાવવાનો સૌથી સરળ રસ્તો તમારી ગેસ એજન્સી પર જવાનો છે. ત્યાં તમારે આધાર કાર્ડ અને ગેસ કનેક્શન સંબંધિત માહિતી આપવાની રહેશે. એજન્સીના કર્મચારી તમારા આધાર નંબરનું વેરિફિકેશન કરશે અને જરૂર જણાય તો બાયોમેટ્રિક (ફિંગરપ્રિન્ટ) દ્વારા eKYC પૂર્ણ કરી દેશે. પ્રક્રિયા પૂર્ણ થયા પછી તમારો રેકોર્ડ અપડેટ થઈ જશે.
ઓનલાઈન LPG eKYC આ રીતે કરો
આ માટે સૌથી પહેલા તમારી ગેસ કંપની (Indane, Bharat Gas અથવા HP Gas) ની ઓફિશિયલ વેબસાઈટ અથવા મોબાઈલ એપ પર લોગ-ઈન કરો. આ પછી eKYC/KYC Update વાળા વિભાગમાં જાઓ અને તમારો LPG કન્ઝ્યુમર નંબર, રજિસ્ટર્ડ મોબાઈલ નંબર અને આધાર નંબર દાખલ કરો. જ્યાં OTP આધારિત વેરિફિકેશન ઉપલબ્ધ હશે, ત્યાં તમારા આધાર અથવા રજિસ્ટર્ડ મોબાઈલ નંબર પર આવેલા OTP ને દાખલ કરીને પ્રક્રિયા પૂર્ણ કરી શકાય છે.
eKYC માટે આ દસ્તાવેજો જરૂરી છે
eKYC દરમિયાન સામાન્ય રીતે આ દસ્તાવેજોની જરૂર પડે છે: આધાર કાર્ડ, LPG કન્ઝ્યુમર નંબર અથવા ગેસ પાસબુક, આધાર સાથે લિંક કરેલો મોબાઈલ નંબર, ઓળખપત્ર (જો એજન્સી માંગે તો), સરનામાનો પુરાવો (જરૂર પડે તો). જો તમારો મોબાઈલ નંબર આધાર સાથે લિંક ન હોય, તો પહેલા તેને અપડેટ કરાવી લો, જેથી OTP આધારિત વેરિફિકેશનમાં તકલીફ ન પડે.
આ વાતોનું ખાસ ધ્યાન રાખો
16 ઓગસ્ટની ડેડલાઈન પહેલા eKYC ચોક્કસપણે પૂર્ણ કરો. છેલ્લા દિવસની રાહ ન જુઓ, કારણ કે એજન્સીઓ પર ભીડ વધી શકે છે. માત્ર ઓફિશિયલ વેબસાઈટ, મોબાઈલ એપ અથવા ગેસ એજન્સીનો જ ઉપયોગ કરો. કોઈ અજાણી વ્યક્તિ સાથે OTP, આધાર નંબર અથવા બેંક સંબંધિત માહિતી શેર કરશો નહીં. eKYC પૂર્ણ થયા પછી તેની પુષ્ટિ (કન્ફર્મેશન) ચોક્કસ કરી લો.