Tech News : સેમસંગના 5G ફોન પર ભારે ડિસ્કાઉન્ટ, લોન્ચિગ કિંમત કરતા 10 હજાર રૂપિયા થયો સસ્તો
છેલ્લું અપડેટ : 31 Aug 2025
જો તમે ગયા ફ્લિપકાર્ટ સેલમાં બમ્પર ડિસ્કાઉન્ટ સાથે સેમસંગ ફોન ખરીદવાનું ચૂકી ગયા છો, તો હવે તમારા માટે એક ગુડ ન્યૂઝ છે. ફ્લિપકાર્ટ પર 30 ઓગસ્ટથી બિગ સેવિંગ્સ ડેઝ સેલ શરૂ થઈ ગયો છે. 3 સપ્ટેમ્બર સુધી ચાલનારા આ બમ્પર સેલમાં સેમસંગ ગેલેક્સી A35 5G લોન્ચ કિંમત કરતાં 10,000 રૂપિયા સસ્તામાં ઉપલબ્ધ છે. લોન્ચ સમયે 8GB RAM અને 256GB ઇન્ટરનલ સ્ટોરેજવાળા આ ફોનના વેરિઅન્ટની કિંમત 33,999 રૂપિયા હતી. આ ફોન હવે ફ્લિપકાર્ટ પર 23,999 રૂપિયામાં ઉપલબ્ધ છે.
કંપની ફોન પર 5% સુધીનું કેશબેક પણ આપી રહી છે. એક્સચેન્જ ઓફરમાં આ ડિવાઇસ 17,500 રૂપિયા સુધી સસ્તું થઈ શકે છે. ધ્યાનમાં રાખો કે એક્સચેન્જ ઓફરમાં ઉપલબ્ધ વધારાનું ડિસ્કાઉન્ટ તમારા જૂના ફોનની કંડીશન, બ્રાન્ડ અને કંપનીની એક્સચેન્જ પોલિસી પર આધારિત રહેશે.
સેમસંગ ગેલેક્સી A35 5Gની ફીચર અને સ્પેસિફિકેશન
આ સેમસંગ સ્માર્ટફોનમાં તમને 2340x1080 પિક્સેલ રિઝોલ્યુશન સાથે 6.6-ઇંચ સુપર AMOLED ડિસ્પ્લે મળશે. ફોનમાં ઓફર કરવામાં આવી રહેલા આ ડિસ્પ્લેનો રિફ્રેશ રેટ 120Hz છે. આ ડિવાઇસ 8GB RAM અને 256GB સુધીના ઇન્ટરનલ સ્ટોરેજ વેરિઅન્ટમાં આવે છે. પ્રોસેસર તરીકે કંપની ફોનમાં Exynos 1380 ચિપસેટ ઓફર કરી રહી છે. ફોનના પાછળના પેનલ પર ફોટોગ્રાફી માટે LED ફ્લેશ સાથે ત્રણ કેમેરા છે. તેમાં 8-મેગાપિક્સલ અલ્ટ્રાવાઇડ એંગલ સેન્સર સાથે 50-મેગાપિક્સલનો મુખ્ય કેમેરા અને 5-મેગાપિક્સલનો મેક્રો સેન્સર શામેલ છે.
તેમજ સેલ્ફી માટે કંપની આ ફોનમાં 13-મેગાપિક્સલનો ફ્રન્ટ કેમેરા આપી રહી છે. ફોનમાં આપવામાં આવેલી બેટરી 5000mAh છે, જે 25 વોટ ફાસ્ટ ચાર્જિંગને સપોર્ટ કરે છે. બાયોમેટ્રિક સુરક્ષા માટે તમને તેમાં ઇન-ડિસ્પ્લે ફિંગરપ્રિન્ટ સેન્સર મળશે. ફોન IP67 ડસ્ટ અને વોટર રેઝિસ્ટન્ટ રેટિંગ સાથે આવે છે. OS વિશે વાત કરીએ તો, ફોન Android 14 પર આધારિત OneUI 6.1 પર કામ કરે છે. કનેક્ટિવિટી માટે તેમાં 5G, ડ્યુઅલ 4G VoLTE, Wi-Fi, USB Type-C પોર્ટ અને બ્લૂટૂથ 5.3 જેવા વિકલ્પો આપવામાં આવ્યા છે.
