Tech Tips: આ પોપ્યુલર સ્માર્ટફોન 7500 રૂપિયાથી ઓછી કિંમતે, જાણો ફોનના અદ્દભૂત ફીચર્સ
છેલ્લું અપડેટ : 13 May 2025
જો તમે સસ્તા ભાવે મજબૂત ફીચર્સ સાથેનો વિશ્વસનીય ફોન ખરીદવા માંગતા હો, તો તમને કેટલાક શ્રેષ્ઠ વિકલ્પો વિશે જણાવશું. અહીં તમને મોટોરોલા અને સેમસંગના તે સ્માર્ટફોન વિશે જણાવી રહ્યા છીએ, જેની કિંમત 7500 રૂપિયાથી ઓછી છે. આ યાદીમાં સેમસંગના બે અને મોટોરોલાનો એક ફોન શામેલ છે. જેમાં સૌથી સસ્તા ફોનની કિંમત ફક્ત 6,499 રૂપિયા છે. આ ફોનમાં 50 મેગાપિક્સલ સુધીના મુખ્ય કેમેરા છે. અહીં જાણો આ ફોન વિશે...
SAMSUNG Galaxy F05
4GB રેમ અને 64GB ઇન્ટરનલ સ્ટોરેજવાળા આ ફોનની કિંમત ફ્લિપકાર્ટ પર 6499 રૂપિયા છે. ફીચર્સની વાત કરીએ તો આ ફોનમાં તમને 6.74 ઇંચની HD+ ડિસ્પ્લે મળશે. આ ફોનમાં પ્રોસેસર તરીકે Helio G85 ચિપસેટ આપવામાં આવ્યો છે. ફોટોગ્રાફી માટે ફોનમાં LED ફ્લેશ સાથે બે રિયર કેમેરા છે. આમાં 50-મેગાપિક્સલ મુખ્ય લેન્સ સાથે 2-મેગાપિક્સલનો સેકન્ડરી કેમેરા શામેલ છે. તેમજ સેલ્ફી માટે કંપની આ ફોનમાં 8 મેગાપિક્સલનો ફ્રન્ટ કેમેરા આપી રહી છે.
SAMSUNG Galaxy A03
3GB રેમ અને 32GB ઇન્ટરનલ સ્ટોરેજ ધરાવતો આ ફોન ફ્લિપકાર્ટ પર 6,999 રૂપિયાની કિંમતે લિસ્ટેડ છે. ફીચર્સની વાત કરીએ તો આ ફોનમાં તમને 6.5 ઇંચની HD+ ડિસ્પ્લે મળશે. તે ફોનમાં પ્રોસેસર તરીકે Unisoc UMS9230 આપવામાં આવી રહ્યું છે. ફોનના બેક પેનલ પર ફોટોગ્રાફી માટે LED ફ્લેશ સાથે બે કેમેરા છે. આમાં 48-મેગાપિક્સલનો મુખ્ય લેન્સ સાથે 2-મેગાપિક્સલનો સેકન્ડરી કેમેરા શામેલ છે. તેમજ સેલ્ફી માટે તમને આ ફોનમાં 5 મેગાપિક્સલનો ફ્રન્ટ કેમેરો જોવા મળશે.
MOTOROLA G05
4GB રેમ અને 64GB ઇન્ટરનલ સ્ટોરેજવાળા આ મોટોરોલા ફોનની કિંમત 7299 રૂપિયા છે. કંપની આ ફોનમાં 6.67 ઇંચની HD+ ડિસ્પ્લે આપી રહી છે. ડિસ્પ્લે પ્રોટેક્શન માટે ફોનમાં ગોરિલ્લા ગ્લાસ 3 આપવામાં આવ્યો છે. આ ફોન MediaTek Helio G81 પ્રોસેસરથી સજ્જ છે. આમાં તમને LED ફ્લેશ સાથે 50 મેગાપિક્સલનો મુખ્ય કેમેરો મળશે. ફોનનો ફ્રન્ટ કેમેરા 8 મેગાપિક્સલનો છે. ફોનને પાવર આપવા માટે તેમાં 5200mAh બેટરી છે. શક્તિશાળી અવાજ માટે ફોનમાં હાઇ-રીઝોલ્યુશન ઓડિયો અને ડોલ્બી એટમોસ છે.
