પાલનપુર કેનાલ રોડ વિસ્તારમાં રહેતી પરિણીતાને શારિરીક-માનસિક ત્રાસ આપી ફ્લેટ ખરીદવા દહેજ પેટે રૂપિયા 20 લાખ લઇ આવવા દબાણ કરી માર મારી ઘરમાંથી કાઢી મુકનાર મનપાના ડૉક્ટર પતિ સહિત ચાર વિરૂધ્ધ અડાજણ પોલીસ મથકમાં ફરિયાદ નોંધાય છે.
ત્રણેક મહિના સુધી લગ્નજીવન સુખમય પસાર થયું
પાલનપુર કેનાલ રોડ સ્થિત નક્ષત્ર સોલીટેરના ફ્લેટ નં. એ-602માં રહેતા અને મનપામાં ડૉક્ટર તરીકે નોકરી કરતા ભાવિક જીતેન્દ્ર પટેલે વર્ષ 2018માં સમાજના રીત-રિવાજ મુજબ અવની (નામ બદલ્યું છે) સાથે કોર્ટ મેરેજ કર્યા હતા. શરૂઆતના ત્રણેક મહિના સુધી લગ્નજીવન સુખમય પસાર થયું હતું, પરંતુ ત્યાર બાદ સસરા જીતેન્દ્ર શંભુદાસ પટેલ અને સાસુ જીગ્નાશાબેન અને નણંદ નેહલ ઘરેલું કામકાજ અને રસોઇ બનાવતા આવડતી નથી એમ કહી મ્હેણાં ટોણાં મારવાનું શરૂ કર્યુ હતું. જમ્યા બાદ સસરા અવનીને પોતાની બાજુમાં બેસવા માટે અને ફોટા ક્લીક કરી વ્હોટ્સઅપ મોકલાવી કન્ડગત કરતા હતા.
વડીલોની મધ્યસ્થીથી પરત આવી
સસરાના અક્ષોભનીય વર્તન અંગે અવની પતિ ભાવિકને ફરિયાદ કરતી તો, તે પણ પિતા જેમ કહે તેમ જ કરવા અને ઘરની બહાર જવું હોય તો પણ એમની મંજૂરી લઇને જવાનું કહેતા હતા. અવનીનો અભ્યાસ ચાલુ હોવાથી પરીક્ષાના સમયે પિયરમાં વાંચવા જવા માટે પણ ઇન્કાર કરી દીધો હતો અને ફ્લેટ માટે રૂા. 20 લાખની માંગણી કરી હતી. આ મુદ્દે ઝઘડો થતા અવની પિયરમાં ચાલી ગઇ હતી, પરંતુ વડીલોની મધ્યસ્થીથી પરત આવી હતી.
અવનીને તેના ઘરે મુકીને ભાવિક ચાલ્યો ગયો
જો કે આ અરસામાં પતિ ભાવિકને તેની સાથે અભ્યાસ કરતી વિનસ નામની યુવતી સાથે પ્રેમસંબંધ હોવાની જાણ થતા અવનીએ પતિનો ઠપકો આપ્યો હતો, પરંતુ ભાવિકે પોતના અંગત જીવનમાં દરમિયાનગીરી કરવાનું ના કહી વિનસને હું રાખવાનો છું એમ કહ્યું હતું. ત્યારબાદ ગત જાન્યુઆરી મહિનામાં ઝઘડો કરી માર મારી અવનીને તેના ઘરે મુકીને ભાવિક ચાલ્યો ગયો હતો.
READ ALSO
- અયોધ્યામાં રામ મંદિરના શિલાન્યાસ બાદ દિવાળી જેવો માહોલ, CM યોગીએ ફોડ્યાં ફટાકડા
- મહારાષ્ટ્રમાં મેઘતાંડવ: લોકલ ટ્રેનોમાં ફસાયા 200 લોકો, અનેક વિસ્તારોમાં જાહેર કર્યુ રેડ એલર્ટ
- ચીનમાં નવા વાયરસનો કહેર, સાત લોકોના મોત, 60થી વધારે થયા સંક્રમિત
- VIDEO: અયોધ્યામાં શ્રીરામના આગમન ઉપર અક્ષરા સિંહનું આ ગીત, વિડીયો મચાવી રહ્યો છે યુ-ટ્યુબ ઉપર ધૂમ
- ભૂમિપૂજનની ખુશીમાં સંબિત પાત્રાએ બનાવ્યુ ભગવાન રામનું સ્કેચ, લોકોએ કહ્યું-તમે રામ નહીં પણ પરશુરામ બનાવ્યા છે !