GSTV

યુપી સીએમ આજે કરશે અયોધ્યાની મુલાકાત, શિલાન્યાસની તૈયારીઓની કરશે સમીક્ષા

અયોધ્યામાં ભગવાન રામ મંદિરના શિલાન્યાસની તડામાર તૈયારીઓ શરૂ થઈ છે. ત્યારે ઉત્તર પ્રદેશના સીએમ યોગી આદિત્યનાથ આજે અયોધ્યાની મુલાકાતે જવાના છે. તેઓ પરિસરમાં બની રહેલા પંડાલ સહિત સુરક્ષા સહિતની તૈયારીઓની સમીક્ષા કરશે.

મળતી માહિતી મુજબ, ઉત્તર પ્રદેશ મુખ્યમંત્રી યોગી આદિત્યનાથ અયોધ્યાનું ભ્રમણ પણ કરશે. યોગી આશરે ત્રણ કલાક સુધી અયોધ્યામાં રોકાણ કરશે. સાંજે 5 વાગે લખનઉ જવા રવાના થશે. તેઓ રામજન્મભૂમિ પરિસર પાસે આવેલા માનસ ભવનમાં ઉચ્ચ અધિકારીઓ સાથે તૈયારીએ અંગે માહિતી મેળવશે.

સીએમ કરશે કોવિડ પ્રોટોકોલ હેઠળ તૈયારીઓની પણ સમીક્ષા

યુપી સીએમ મંદિર પરિસરમાં બની રહેલા પંડાલ, રસ્તાઓ અને અન્ય તૈયારીઓની સાથે સાથે કોવિડ પ્રોટોકોલ અંતર્ગત કરવામાં આવેલ તૈયારીઓની પણ સમીક્ષા કરશે.

આમંત્રિત મહેમાનોની લિસ્ટ પર પીએમઓની મહોર

સૂત્રોના જણાવ્યા અનુસાર, સીએમ યોગી રામ કી પૈડી અને સરયુ કિનારે પણ જવાના છે. શિલાન્યાસ મહોત્સવમાં આશરે 200 જેટલા લોકો સામેલ થવાના છે. આમંત્રિત મહેમાનોની યાદી પર પીએમઓ દ્વારા મહોર લગાવવામાં આવી છે. આ સાથે અયોધ્યામાં સઘન સુરક્ષા વ્યવસ્થા ગોઠવી દેવામાં આવી છે.

અયોધ્યામાં સઘન સુરક્ષા વ્યવસ્થા

જણાવી દઈએ કે અયોધ્યામાં 5 ઓગસ્ટના રોજ રામ મંદિરનું ભૂમિ પૂજન થનાર છે. જેને લઈને અયોધ્યામાં તડામાર તૈયારીઓ ચાલી રહી છે. ભૂમિપૂજન પહેલા રામ નગરીને નવોઢાની જેમ સજાવવામાં આવી રહી છે. આ ભવ્ય કાર્યક્રમમાં 170 લોકો હાજર રહેવાના છે.

પીએમ મોદીની મુલાકાતને લઈને પાલન કરશે ખાસ પ્રોટોકોલ

તો અયોધ્યામાં પીએમ મોદીની મુલાકાતને લઈને વહીવટી તંત્ર તમામ પ્રોટોકોલનું પાલન કરી રહ્યું છે. પ્રાથમિકતામાં કોરોના વાયરસ સંબંધિત પ્રોટોકોલ પણ છે. જેના પર વહીવટ તંત્ર ખાસ ધ્યાન રાખી રહી છે. સાથે જ પીએમ મોદીની સુરક્ષાને લઈને તમામ સુરક્ષા એજન્સીઓની બેઠક થઇ હતી. સુરક્ષાને લઈને પણ સઘન વ્યવસ્થા ગોઠવવામાં આવી છે.

MUST READ:

Related posts

ટ્રમ્પની એક ભૂલને કારણે અમેરિકાને 100 અબજનું નુક્સાન, ભારતીયોએ સૌથી વધુ ભોગવવું પડ્યું

Mansi Patel

ચૂંટણી સંગ્રામ/ ‘મોદીએ સૈનિકોનું અપમાન કર્યું, પ્રવાસી કામદારોને કોઈ મદદ ન કરી’ રાહુલ ગાંધીના વડાપ્રધાન પર આકરા પ્રહાર

Bansari

ડેટા સુરક્ષામાં નહીં ચાલે લોલંલોલ / ફેસબુક ઈન્ડિયાના વડાની પાર્લામેન્ટરી પેનલે કરી પૂછપરછ, માંગ્યો અહેવાલ

Mansi Patel
Do NOT follow this link or you will be banned from the site!