GSTV
Cricket Sports Trending

વર્લ્ડ ટેસ્ટ ક્રિકેટ ચેમ્પિયનશિપનો ચોથો દિવસ વરસાદમાં ધોવાઈ જાય તેવી શક્યતા, આખા દિવસ વરસાદની આગાહી

ટેસ્ટ

ઈંગ્લેન્ડના સાઉથેમ્પટનમાં રમાઈ રહેલી વર્લ્ડ ટેસ્ટ ક્રિકેટ ચેમ્પિયનશિપની ફાઈનલનો ચોથો દિવસ વરસાદના કારણે ધોવાઈ જાય તેવી શક્યતા છે. કારણકે આજે આખો દિવસ વરસાદ પડશે તેવી આગાહી થઈ છે.

મેચ શરૂ થવાના સમય પહેલાથી વરસાદ પડી રહ્યો છે. મેદાન ભીનુ છે અને પીચ પરના કવર પણ હટાવાયા નથી. જેના પગલે સમયસર આજે રમત શરૂ થાય તેવી પણ કોઈ શક્યતા નથી. એ પછી પણ આખો દિવસ વરસાદ પડવાની આગાહી હોવાથી ચોથો દિવસ પણ વરસાદમાં ધોવાઈ જાય તેવી પૂરી શક્યતાઓ છે.

ગઈકાલે મેચના ત્રીજા દિવસે ભારતીય ટીમ 217 રન પર ઓલઆઉટ થઈ ગઈ હતી અને તેની સામે ન્યૂઝીલેન્ડે બે વિકેટ ગુમાવીને 101 રન બનાવી લીધા હતા. આમ ભારતની સામે હાલમાં ન્યૂઝીલેન્ડ મજબૂત સ્થિતિમાં છે. ન્યૂઝીલેન્ડના બોલરોની જેમ ભારતીય બોલરો બોલને સ્વિંગ કરાવવામાં પણ એટલા અસરકારક સાબિત થયા નહોતા. જેના કારણે ન્યૂઝીલેન્ડના ઓપનરોએ પોતાની ટીમને સારી શરૂઆત અપાવી હતી.

આઈસીસી દ્વારા મેચમાં વરસાદ પડે તે બાબતને ગણતરીમાં લઈને વધારાનો એક દિવસ રિઝર્વ ડે તરીકે રાખ્યો છે. પહેલા દિવસની રમત પણ ધોવાઈ ગઈ હતી. આ સંજોગોમાં બુધવારે રિઝર્વ ડેના દિવસે ટેસ્ટ મેચ રમાશે તે નિશ્ચિત છે.

Read Also

Related posts

દુનિયાના ૪૫ દેશોના પાંચ કરોડ લોકો ભૂખમરાથી પીડિત : યુએન

GSTV Web Desk

કોંગ્રેસ અધ્યક્ષ બન્યા પછી અશોક ગેહલોત સામે હશે નવા પડકાર

Hemal Vegda

મહાકાલ પથ પર નમો…નમો.. / પીએમ મોદી 700 કરોડના ખર્ચે બનેલા મહાકાલ કોરિડોરનું કરશે ભવ્ય લોકાર્પણ, તડામાર તૈયારીઓ શરૂ

Hardik Hingu
GSTV