GSTV
Home » News » વર્લ્ડ કુસ્તી : વિનેશ અને સીમાનું ગોલ્ડ મેડલ જીતવાનું સ્વપ્ન રોળાયું

વર્લ્ડ કુસ્તી : વિનેશ અને સીમાનું ગોલ્ડ મેડલ જીતવાનું સ્વપ્ન રોળાયું

ભારતની મહિલા કુસ્તીબાજ વિનેશ ફોગટ અને સીમા બિસ્ત વર્લ્ડ કુસ્તી ચેમ્પિયનશીપના શરૃઆતના રાઉન્ડમાં જ હારી જતાં, તેમનું ગોલ્ડ મેડલ જીતવાનું સ્વપ્ન રોળાયું હતુ. જો કે વિનેશ અને સીમાને હરાવનારી કુસ્તીબાજ ફાઈનલમાં પ્રવેશતા બંનેને રિપેચાર્જમાં બ્રોન્ઝ જીતવાની તક છે. 

વિનેશ ફોગટ ફ્રિસ્ટાઈલ કુસ્તીમાં ૫૩ કિગ્રા વજન વર્ગમાં સ્પર્ધામા ઉતરી હતી. તેણે પહેલા રાઉન્ડમાં તો ઓલિમ્પિકની બ્રોન્ઝ મેડાલીસ્ટ કુસ્તીબાજ સોફિયા મેટ્ટસનને૧૩-૦થી હરાવી હતી. જોકે બીજા રાઉન્ડમાં તેનો ડિફેન્ડિંગ ચેમ્પિયન માયુ મુકાઈદા સામે ૦-૭થી પરાજય થયો હતો. આ સાથે તેની ગોલ્ડ જીતવાની આશા સમાપ્ત થઈ ગઈ હતી. નોંધપાત્ર છે કે ચાલુ વર્ષે ચીનમાં રમાયેલી એશિયન ચેમ્પિયનશિપમાં પણ વિનેશને આ જ જાપાની હરિફ સામે હારનો સામનો કરવો પડયો હતો. 

 ભારતની સીમા બિસ્ત ૫૦ કિગ્રા વજન વર્ગની સ્પર્ધામાં ઉતરી હતી અને તેને ત્રણ વખત ઓલિમ્પિક મેડલ જીતનારી મારિયા સ્ટાડનિક સામે ૨-૯થી હારનો સામનો કરવો પડયો હતો. ભારતીય કુસ્તીબાજોને બ્રોન્ઝ મેડલ જીતવાની તક આવતીકાલના મુકાબલા દરમિયાન મળશે. નોન ઓલિમ્પિક કેટેગરીમાં ભારતની કોમલ ગોયલ સ્પર્ધામાં ઉતરી હતી. તેને ૭૨ કિગ્રા વજન વર્ગના ક્વોલિફાયર મુકાબલામાં ૧-૪થી તુર્કીની બેસ્તે એલ્ટગ સામે હારનો સામનો કરવો પડયો હતો. ભારતની લલિતા કુમારીને મોંગોલિયાની બોલોર્તુયા બાટ ઓચીર સામે ૩-૧૦થી હાર સ્વીકારવી પડી હતી.

READ ALSO

Related posts

ATMથી લઇને ચેકબુક સુધી આ સર્વિસના નામે બેન્કો તમારી પાસેથી વસૂલે છે આટલો ચાર્જ, આંકડો જાણશો તો દંગ રહી જશો

Bansari

બોલિવુડ સ્ટાર્સનાં ઘરે શરૂ થયું દિવાળી સેલિબ્રેશન, આ દિવસે અમિતાભ, અનિલકપૂર સહિત તમામનાં ઘરોમાં થશે પાર્ટી

pratik shah

શરીરે ભરાવદાર એક્ટ્રેસેસને પસંદ કરે છે અક્ષય કુમાર, એટલે જ એની ફિલ્મોમાં હોય છે આ હિરોઈનો

Dharika Jansari
Do NOT follow this link or you will be banned from the site!