આ દિવસોમાં કિરણ કાજલ નામના ઇન્સ્ટાગ્રામ ઇન્ફલુએંસરનો એક વીડિયો સોશિયલ મીડિયા પર ખૂબ વાયરલ થઈ રહ્યો છે. આમાં તે અપશબ્દોનો ઉપયોગ કરીને કૂતરાને લાત મારતી જોવા મળે છે. જો કે આ વીડિયો હવે તેના પર ભારે પડી ગયો છે. સોશિયલ મીડિયા યુઝર્સ તેના આ કૃત્યની આકરી ટીકા કરી રહ્યા છે. આ વિરોધ બાદ કાજલે વિડીયો ડીલીટ કરી દીધો છે અને માફી માંગતા પોતે પ્રાણી પ્રેમી હોવાનો દાવો કર્યો છે. કિરણનું કહેવું છે કે તેણે આવું જાણી જોઈને નથી કર્યું, પરંતુ તે કૂતરાથી ડરી ગઈ હતી.
અપશબ્દોના ઉપયોગને લઇને કિરણે કહ્યું છે કે દિલ્હી અને મુંબઈમાં રહેતા લોકો માટે આ બહુ સામાન્ય બાબત છે. તેણે કહ્યું, ‘વીડિયો પૂર્વ આયોજિત નહોતો. જ્યારે કૂતરો મારી તરફ આવ્યો, ત્યારે મેં તેને ડરથી લાત મારી. મારી ભાષા યોગ્ય ન હતી, જેના માટે હું માફી માંગુ છું.આ સાથે તેણે કહ્યું કે તે પ્રાણી પ્રેમી છે. તે પ્રાણીઓનો શોખીન છે. રીલ બનાવતી વખતે તે રખડતા કૂતરાને જોઈને ખૂબ ડરી ગઈ હતી. અમે તમને કાજલનો ડિલીટ કરેલો વિડિયો બતાવી શકતા નથી, કારણ કે તેણે ખૂબ જ ખરાબ શબ્દોનો ઉપયોગ કર્યો છે.
જોકે, આ માફી પછી પણ કાજલને ટીકાઓનો સામનો કરવો પડી રહ્યો છે. સોશિયલ મીડિયા યુઝર્સનું માનવું છે કે કૂતરો તેમની તરફ આવ્યો ન હતો અને ન તો તેને કરડવાની કોશિશ કરી હતી. લોકોનું કહેવું છે કે કાજલનો વીડિયો પ્રિપ્લાન્ડ હતો, કારણ કે તે કૂતરાને લાત માર્યા બાદ હસતી જોવા મળે છે.
માફીના વિડિયો પર ટિપ્પણી કરતા, એનિમલ હોપ એન્ડ વેલનેસ એનજીઓએ કહ્યું, “તે તમારા અને તમારી આસપાસના લોકો માટે મનોરંજક હતું, પરંતુ અમારા માટે નહીં.” તમારો અસલી ચહેરો સામે આવ્યો છે, તેથી આવા નાટક કરવાની જરૂર નથી.અમેરિકામાં રહેતા પ્રાણી અધિકાર કાર્યકર્તા તરાના સિંહે ટ્વિટર પર આ વીડિયો અંગે ફરિયાદ કરી અને કહ્યું કે તે ભયાનક છે. તે જ સમયે, ગાયક જાન કુમાર સાનુએ એકાઉન્ટને રિપોર્ટ કરવાની અપીલ કરી અને કહ્યું કે મહિલાને તેના વર્તન માટે બિલકુલ પસ્તાવો નથી.
READ ALSO
- જુનિયર ક્લાર્કની પરીક્ષા રદ્દ થતા ઉમેદવારોનો સવાલ, “અમારી મહિનાઓની મહેનતનું શું?”
- પેપરલીક મામલે વિપક્ષ નેતા અમિત ચાવડાએ રાજયની ભાજપ સરકાર પર કર્યા પ્રહાર
- પોલિટિક્સ / મહેબૂબા-ઓમર કોંગ્રેસ સાથે હાથ મિલાવશે!, યાત્રમાં જોડાયા બાદ અટકળો
- સુરત / પાંડેસરામાં ગેસ ગળતરના કારણે 14 વર્ષીય સગીરાનું મોત
- Beauty Tips / ઠંડીની મોસમમાં યોગ્ય મોઈશ્ચરાઈઝર ત્વચાને રાખે મખમલી