વિશ્વ પ્રસિદ્ધ અબજોપતિ વોરેન બફેટે અમેરિકામાં બેંકિંગ સંકટને રોકવા અને તેનો ઉકેલ શોધવા માટે અમેરિકી રાષ્ટ્રપતિ જો બિડેનની ટીમનો સંપર્ક કર્યો છે. એક સમાચાર એજન્સી દ્વારા બફેટ અને બિડેન વહીવટીતંત્ર વચ્ચેની વાતચીતની જાણ કરવામાં આવી છે. સિલિકોન વેલી બેંક, સિગ્નેચર બેંક અને સિલ્વરગેટ કેપિટલ કોર્પની કટોકટી અટકાવવા માટે વોરેન બફેટ વિશેષ પગલાં લઈ શકે છે. એવી અપેક્ષા રાખવામાં આવે છે કે વોરન બફેટ બેન્કિંગ સેક્ટરમાં રોકાણ કરી રહ્યા છે પરંતુ હજુ સુધી આ અંગે વધુ માહિતી બહાર આવી નથી.
બિડેનની ટીમ સાથે ઘણી વાતચીત
છેલ્લા એક સપ્તાહમાં બિડેનની ટીમ અને બફેટ વચ્ચે ઘણી વાતચીત થઈ છે. જો કે આમાં શું બન્યું છે. તેની માહિતી શેર કરવામાં આવી નથી. આ માહિતી ખાનગી રાખવામાં આવી છે. એવી અપેક્ષા રાખવામાં આવે છે કે બફેટ બેન્કિંગ સેક્ટરમાં કેટલાક મોટા રોકાણ કરી શકે છે.
કટોકટી પર કાબુ મેળવવાનો ઇતિહાસ
આ પહેલીવાર નથી જ્યારે વોરેન બફેટ બેંકોની મદદ માટે આગળ આવ્યા હોય. આ પહેલા પણ બફેટ બેંકિંગ સેક્ટરમાં રોકાણ કરવાનો અને કટોકટીમાં મદદ કરવાનો ઈતિહાસ ધરાવે છે. બેંક ઓફ અમેરિકા કોર્પને 2011માં બફેટે મદદ કરી હતી. બફેટે લેહમેન બ્રધર્સ હોલ્ડિંગ્સ ઇન્કના પતન પછી બેંકને ટેકો આપવા માટે 2008 માં ગોલ્ડમેન સૅક્સ ગ્રુપ ઇન્કને 5 બિલિયન ડોલર આપ્યા હતા.
READ ALSO
- મોટા સમાચાર / રાજ્યમાં બિન હથિયારધારી 242 PSIને PI તરીકે અપાઈ બઢતી, જુઓ કોને અપાયું પ્રમોશન
- બોડકદેવ વિસ્તારમાં વાછરડાને વિખુટું પડતા બચાવવામાં આવ્યું, ખાખીએ ફરી માનવતા મહેકાવી
- સુરતમાં ફૂડ વિભાગ એક્શન મોડમાં : શહેરમાંથી 17 જગ્યાએથી ઘીના નમુના લઈને તપાસ અર્થે મોકલાયા
- આને કહેવાય માનવતા / સુરતમાં ટ્રાફિકમાં ફસાયેલી 108 એમ્બ્યુલન્સને તડકામાં દોઢ કિલોમીટર દોડીને યુવકે રસ્તો કરી આપ્યો
- મજબૂત માંગને કારણે ઓટો સેક્ટર ટોપ ગિયરમાં છે, આ શેરો આઉટપરફોર્મ કરી શકે છે