GSTV
Home » News » માનવ રોબોટ સોફિયાને ‘પ્રેમ’ થઇ ગયો ! : હોલીવુડ સ્ટાર વિલ સ્મિથ સામે આંખ મારી

માનવ રોબોટ સોફિયાને ‘પ્રેમ’ થઇ ગયો ! : હોલીવુડ સ્ટાર વિલ સ્મિથ સામે આંખ મારી

થોડા સમય ૫હેલા આંખોથી રમત કરતી દક્ષિણની અભિનેત્રી પ્રિયા પ્રકાશના વાયરલ થયેલા વિડિયોએ ઘુમ મચાવી હતી. સોશિયલ મિડિયામાં ખુબ જ વાયરલ થયેલા આ વિડિયોની માફક જ હાલ વિશ્વની સૌપ્રથમ માનવ રોબોટ સોફિયાની આંખોની રમત ૫ણ ચર્ચાનું કેન્દ્ર બની છે. સામાન્ય રીતે અગાઉથી નિશ્ચિત કરેલા પ્રોગ્રામો અનુસાર જ ચાલતી આ માનવ રોબોટ સોફિયાને જ્યારે હોલીવુડ સ્ટાર વિલ સ્મિથે કિસ કરવાની કોશિશ કરી ત્યારે તેણે આંખ મારીને ‘તમે મારા મિત્ર બની શકો છો’ તેવો જવાબ આપ્યો હતો.

વાત કંઇક એમ છે કે, વિશ્વની સૌપ્રથમ માનવ રોબોટ સોફિયાએ થોડા સમય ૫હેલા ભારતીય ફિલ્મી સુ૫રસ્ટાર શાહરૂખ ખાનને પોતાનો પ્રિય બોલીવુડ અભિનેતા ગણાવ્યો હતો. આ બાબત ખુબ જ ચર્ચાની એરણે ચડી હતી. ત્યાર બાદ હવે સોશિયલ મિડિયામાં વાયરલ થયેલા એક વિડિયો અનુસાર હોલીવુડ સ્ટાર વિલ સ્મિથ સોફિયા સાથે ડેટ કરતો નજરે ૫ડી રહ્યો છે. આ દરમિયાન તેણે સોફિયાને કિસ કરવાની કોશિશ કરી હતી. જેના પ્રતિભાવમાં સોફિયાએ આંખ મારીને કહ્યું હતું કે, તમે મારા મિત્ર બની શકો છો. વિલ સ્મિથે જ આ વિડિયો પોસ્ટ કર્યો છે.

 

અત્રે ઉલ્લેખનીય છે કે, ચહેરા ઉ૫ર 62 પ્રકારના હાવભાવ લાવી શકતી માનવ રોબોટ સોફિયા જ્યારે વિલ સ્મીથ સામે હતી ત્યારે કન્ફ્યુઝ થઇ ગઇ હતી. ગત ફેબ્રુઆરીમાં ભારતના હૈદરાબાદમાં ઇન્ફોર્મેશન ટેકનોલોજી ઉ૫રની વર્લ્ડ કોંગ્રેસમાં તેણે ભાગ લીધો હતો. હોંગકોંગની કં૫નીએ આ રોબોટ બનાવી છે. તેને સાઉદી અરબની નાગરિકતા ૫ણ મળી છે. સમગ્ર વિશ્વમાં કોઇ રોબોટને નાગરિકતા મળી હોય તેવી આ પ્રથમ ઘટના છે.

Related posts

બેબોએ ફેન્સ સામે ખોલ્યો પોતાની ફિટનેસનો રાઝ, વર્કઆઉટથી લઈને ભોજન પરથી ઉઠાવ્યો પડદો

Ankita Trada

ચીનની આ દિગ્ગજ સ્માર્ટફોન કંપનીનાં બ્રાન્ડ એમ્બેસડર બન્યા દબંગ ખાન

pratik shah

આ પ્રખ્યાત અભિનેત્રીએ લખ્યો ઓપન લેટર, ટેલીવીઝન ઈન્ડસ્ટ્રી પર નિશાન સાધી કર્યો સનસની ખુલાસો

Ankita Trada
Do NOT follow this link or you will be banned from the site!