GSTV
Business Trending

ચાર મહિનાના ઉંચા સ્તર પર પહોંચ્યો જથ્થાબંધ મોંઘવારી દર

પેટ્રોલ અને ડીઝલની કિંમતમાં થતા વધારાની અસર મોંઘવારી દર પર જોવા મળી છે. ઓગસ્ટ મહિનામાં જથ્થાબંધ મોંઘવારી દર 4 મહિનાની સર્વોચ્ચ સપાટીએ પહોંચી ગયો છે.

મોંઘવારીને ઘટાડવાના પ્રયાસમાં સરકારને વધુ એક વખત નિષ્ફળતા હાથ લાગી છે. ઓગસ્ટ મહિનામાં જથ્થાબંધ મોંઘવારી દર ચાર મહિનાની સર્વોચ્ચ સપાટીએ પહોંચી ગયો છે. શાકભાજી અને અન્ય ફુડ આઈટમ્સના ભાવમાં વધારો થતા જથ્થાબંધ મોંઘવારી દર 3.24 ટકાની સપાટીએ પહોંચી ગયો છે. આ ઉપરાંત પેટ્રોલની કિંમતોમાં પણ વધારાની અસર મોંઘવારી દરના આંકડા પર પડી છે. જુલાઈમાં જથ્થાબંધ મોંઘવારી દર 1.88 ટકાની સપાટીએ હતો.

કોમર્સ મંત્રાલય દ્વારા રજૂ કરાયેલા જથ્થાબંધ મોંઘવારી દરના આંકડા અનુસાર ઓગસ્ટમાં ડુંગળીના ભાવમાં સૌથી વધુ વધારો થયો છે. તો બીજી તરફ ફૂડ આર્ટિકલ્સનો મોંઘવારી દર 2.15 ટકાથી વધીને 5.75 ટકા થયો છે. જથ્થાબંધ મોંઘવારી દરમાં ખાદ્ય ચીજોની હિસ્સેદારી 15.25 ટકા છે. જુલાઈની જેમ ઓગસ્ટમાં પણ શાકભાજીના ભાવમાં વધારો નોંધાયો છે. જુલાઈમાં શાકભાજીનો મોંઘવારી દર 21.95 ટકા હતો જે વધીને 44.91 ટકાની સપાટીએ પહોંચી ગયો છે.

ઉપરાંત ફળોનો મોંઘવારી દર 2.71 ટકાથી વધીને 7.35 ટકા થયો છે. ઓગસ્ટમાં પ્રોટીન પ્રોડક્ટ્સનો મોંઘવારી દર 3.30 ટકા વધીને 3.93 ટકાએ પહોચ્યો છે. જો કે, ખનીજોના મોંઘવારી દરમાં ઘટાડો નોંધાયો છે. પરંતુ ફ્યુઅલ અને પાવર સેગમેન્ટમાં સતત ભાવ વધારો જોવા મળી રહ્યો છે. પેટ્રોલનો મોંઘવારી દર 9.60 ટકાથી વધીને 24.55 ટકા થયો છે.જ્યારે મેન્યુફેક્ચરિંગ પ્રોડક્ટની મોંઘવારી 2.18 ટકાથી વધીને 2.45 ટકા થઈ છે. સતત વધતા મોંઘવારી દરે આમ આદમીની સાથે સાથે સરકારની પણ ચિંતા વધારી દીધી છે.

Related posts

નાણા ધિરનારા સાવધાન/ ડિજિટલ પ્લેટફોર્મ પર વધુ વ્યાજ લઈ શકાશે નહીં, RBIની સુધારેલી માર્ગદર્શિકાનો આજથી કરાશે અમલ

HARSHAD PATEL

ક્રિકેટ / BCCIએ ક્રિકેટ સલાહકાર સમિતિના ત્રણ સભ્યોની કરી નિમણૂક, આ પૂર્વ ખેલાડીને મળ્યું સ્થાન

Hardik Hingu

Hug Benefits/ ખુશ રહેવું છે તો પોતાના અંગતને વ્હાલથી ભેટો, જાણો ગળે લાગવાના ફાયદા

Siddhi Sheth
GSTV