GSTV
World

Cases
6747115
Active
11354419
Recoverd
707655
Death
INDIA

Cases
595501
Active
1328336
Recoverd
40669
Death

ચંદ્રયાન-1 મોકલતા સમયે ભારતે રચ્યો હતો ઈતિહાસ, 5 દિવસમાં પહોંચ્યું હતું ચંદ્ર પર

ચંદ્રયાન -1 ઈસરોના મૂન મિશન અંતર્ગત ચંદ્રમા તરફ કૂચ કરનારૂં ભારતનું પહેલું અંતરિક્ષ યાન હતું. આ અભિયાન અંતર્ગત એક માનવરહિત યાનને 22 ઓક્ટોબર 2008ના દિવસે ચંદ્રમા પર મોકલાયું હતું. અને તે 30 ઓગસ્ટ 2009 સુધી સક્રિય રહ્યું હતું.ભારતે ચંદ્રયાન-2 પહેલા ચંદ્રયાન 1 ચંદ્રની ધરતી પર યાન મોકલ્યું હતું. ચંદ્રયાન-1ને 22 ઓક્ટોબર 2008ના દિવસે પોલર સેટેલાઈટ લોન્ચ વ્હિકલ એટલે કે પીએસએલવી રોકેટની સહાયતાથી સતીશ ધવન અંતરિક્ષ કેન્દ્રથી પ્રક્ષેપિત કરાયું હતું.

જેને ચંદ્રમા સુધી પહોંચવામાં 5 દિવસ લાગ્યા હતા. અને ચંદ્રમાની કક્ષામાં સ્થાપિત કરવામાં 15 દિવસનો સમય લાગ્યો હતો. આ સાથે ભારત ચંદ્ર પર યાન મોકલનારો છઠ્ઠો દેશ બની ગયો હતો. ચંદ્રયાન-1નો ઉદ્દેશ્ય ચંદ્રમાની સપાટીનો વિસ્તૃત નકશો, પાણી અને હિલિયમની શોધ કરવાનો હતો. ચંદ્રયાન-1ને ચંદ્રથી 100 કિલોમીટર ઉપર 575 કિલોગ્રામનો એક ઉપગ્રહ ધ્રુવીય કક્ષામાં સ્થાપિત કરાયો હતો. જેણે રિમોટ સેંસિંગ ઉપકરણો દ્વારા ચંદ્રમાની ઉપરી સપાટીની તસવીરો મોકલી હતી. 

ચંદ્રયાન-1નો કાર્યકાળ લગભગ બે વર્ષનો હતો. પરંતુ નિયંત્રણ કક્ષથી સંપર્ક તૂટી જવાને કારણે તેને કાર્યકાળ પહેલા જ બંધ કરી દેવાયું. ચંદ્રયાન-1ના અધ્યયનની વાત કરીએ તો સ્થાયી રૂપથી છાંયડામાં રહેતા ઉત્તર અને દક્ષિણ ધ્રુવીય ક્ષેત્રોમાં ખનીજ અને રાસાયણોને ઓળખવાનું હતું. ચંદ્રની સપાટી પર પાણી, બરફ શોધવો. દૂરસંવેદન અને દક્ષિણી ધ્રુવ એટકેન ક્ષેત્ર દ્વારા રાસાયણોનું વર્ગીકરણ અને આંતરિક સામગ્રને ઓળખવાનું કામ હતું. ચંદ્રની સપાટીની ઉંચાઈની ભિન્નતાનું માનચિત્રણ કરવાનું હતું.

10 કેવીથી વધુ એક્સ-રે સ્પેક્ટ્રમ અને 5 મીટર રિઝોલ્યુશન સાથે ચંદ્રની ધરતીના મોટાભાગના સ્ટેરિયોગ્રાફિક કવરેજનું નિરીક્ષણ કરવાનું હતું.. ચંદ્રમાની ઉત્પત્તિ અને વિકાસને સમજવા નવી અંતરર્દષ્ટિ પ્રદાન કરવાનું હતું. ચંદ્રયાન-1 મિશન તેના કાર્યકાળ પહેલા જ ખતમ થઈ ગયું હતું. 29 ઓગસ્ટ 2009ના દિવસે નિયંત્રણ કક્ષથી તેનો સંપર્ક તૂટી ગયો હતો. અને તેથી તેના બીજા દિવસે 30 ઓગસ્ટે 2009ના દિવસે ઈસરોએ ચંદ્રયાન-1ને ઔપચારિક રૂપથી સમાપ્ત કરવાની જાહેરાત કરી હતી.

જોકે 24 સપ્ટેમ્બર 2009માં ચંદ્રમા પર પાણીનો બરફ હોવાની પુષ્ટિ થઈ હતી. અને ઈસરોએ દાવો કર્યો હતો કે ચંદ્ર પર પાણી ભારતની શોધ છે. ચંદ્ર પર પાણીની હાજરીની શોધ ચંદ્રયાન-1 પર લાગેલા મૂન ઈમ્પેક્ટ પ્રોબે કરી હતી. અમેરિકાની અંતરિક્ષ એજન્સી નાસાના ઉપકરણે પર ચંદ્ર પર ખામી હોવાની પુષ્ટિ કરી છે.

READ ALSO

Related posts

ગ્રેટર નોઈડાની બે દુકાનોમાં લાગી ભીષણ આગ, ધુમાડાના ગોટેગોટા ઉડતા આકાશ થયું કાળુ ડિબાંગ

Pravin Makwana

મોડલિંગના નામ પર થઈ રહ્યા છે યુવતીઓના યૌન શોષણ, મહેશ ભટ્ટ સહિત બોલિવૂડની આ હસ્તીઓને ફટકારી નોટિસ

Pravin Makwana

ભારતીય રેલવે શરૂ કરી રહ્યું છે મિશન- 160, માત્ર 12 કલાકમાં જ પહોંચી જવાશે દિલ્હીથી મુંબઈ

Mansi Patel
Do NOT follow this link or you will be banned from the site!