સામાન્ય લોકોની સુવિધાને ધ્યાનમાં રાખીને સરકારે ખૂબ જ મહત્વપૂર્ણ પગલું ભર્યું છે. હવે કોઈ પણ વ્યક્તિ જરૂર પડ્યે WhatsApp દ્વારા Digilockerમાં સેવ કરેલ PAN કાર્ડ, ડ્રાઈવિંગ લાયસન્સ જેવા મહત્વના દસ્તાવેજોને સરળતાથી એક્સેસ કરી શકશે અને ડાઉનલોડ કરી શકશે. આ સુવિધા સામાન્ય લોકો માટે ઘણી સુવિધાજનક સાબિત થઈ શકે છે.
જાણો શું છે તેનો હેતુ
સરકારી સેવાઓ સુલભ, સમાવેશી અને પારદર્શક બનાવવાના ધ્યેય સાથે સરકારે આ પહેલ કરી છે. આ પહેલ હેઠળ, કોઈપણ નાગરિક WhatsApp પર MyGov Helpdesk દ્વારા Digilockerમાં સાચવેલા દસ્તાવેજોને ઍક્સેસ અને ડાઉનલોડ કરી શકે છે.
પીઆઈબીએ ટ્વિટ કરીને આપી માહિતી
પ્રેસ ઇન્ફોર્મેશન બ્યુરો (PIB) એ ટ્વિટ કર્યું છે કે, “નાગરિકો હવે પાન કાર્ડ, ડ્રાઇવિંગ લાયસન્સ અને વાહન નોંધણી પ્રમાણપત્ર જેવા દસ્તાવેજો ઍક્સેસ કરી શકે છે. લોકો @mygovindia Helpdesk દ્વારા WhatsApp પર Digilocker સંબંધિત સેવાઓને ઍક્સેસ કરી શકે છે”
આ રીતે મેળવી શકશો આ સુવિધા
WhatsApp નો ઉપયોગ કરતા લોકો WhatsApp નંબર +91 9013151515 પર ‘નમસ્તે અથવા Hi અથવા Digilocker’ મોકલી શકે છે. આ પછી તેઓ ડિજીલોકરની સેવાઓનો ઉપયોગ કરી શકશે. આના દ્વારા, DigiLocker અકાઉન્ટ સેટઅપ અથવા વેરિફાઈ કરી શકાય છે. એટલું જ નહીં, વોટ્સએપ પર પાન કાર્ડ, ડ્રાઇવિંગ લાઇસન્સ અને વાહન નોંધણી પ્રમાણપત્ર જેવા દસ્તાવેજો ડાઉનલોડ કરી શકાય છે.
Citizens can now access @digilocker_ind services on the @mygovindia Helpdesk on @WhatsApp
— PIB India (@PIB_India) May 23, 2022
WhatsApp users can use chatbot by simply sending ‘Namaste or Hi or Digilocker’ to WhatsApp number +91 9013151515
Details: https://t.co/rAnZ81J631
જાણો શું છે Digilocker
Digilocker એ વિવિધ દસ્તાવેજો અને પ્રમાણપત્રો જારી કરવા અને ચકાસવા માટેનું એક ડિજિટલ પ્લેટફોર્મ છે. આ ભૌતિક દસ્તાવેજોની જરૂરિયાતને દૂર કરે છે. PIB અનુસાર, નવી સેવાઓ હેઠળ, રહેવાસીઓ આ દસ્તાવેજોને સરળતાથી ઍક્સેસ કરી શકે છે:
- પાન કાર્ડ
- ડ્રાઈવિંગ લાયસન્સ
- CBSE ધોરણ 10ની માર્કશીટ
- વાહન નોંધણી પ્રમાણપત્ર (RC)
- વીમા પોલિસી – ટુ વ્હીલર
- CBSC ધોરણ 12ની માર્કશીટ
- 12મા ધોરણની માર્કશીટ
- વીમા પૉલિસી દસ્તાવેજો
READ ALSO:
- મોટા સામાચાર / ગુજરાત સરકારે સત્તાવાર કરી જાહેરાત, આગામી બજેટ સત્રમાં પેપરલીક મામલે નવો કાયદો લવાશે
- આ ફળોને છોલ્યા વગર જ સેવન કરવાના છે અઢળક ફાયદા, અસલી શક્તિ તો છાલમાં જ છે
- ગૌતમ અદાણી વધુ ગગડ્યા / વિશ્વના ધનિકોની યાદીમાં મુકેશ અંબાણીની ફરી ટોપ-10માં એન્ટ્રી, એક જ દિવસમાં અદાણીને 13.1 અરબ ડોલરનું ગાબડું
- આશીર્વાદ આપ્યા પછી એશા દેઓલ સાથે હાથ મિલાવવા માંગતી હતી મહિલા, એકટ્રેસે બંધ કરી બારી; લોકો ભડકયા
- Roadease / વાહનચાલકોને મળશે રિયલ ટાઈમ ટ્રાફિક અપડેટ, અમદાવાદ પોલીસે લોન્ચ કરી આ ખાસ એપ્લિકેશન, અત્યારે જ ડાઉનલોડ કરો