GSTV
Ajab Gajab News Trending World

હદ છે / વિદ્યાર્થીઓને સ્કૂલમાં ટોયલેટ જવા માટે બતાવવું પડશે ડોક્ટરનું પ્રિસ્કીપશન, શાળાના વિચિત્ર નિયમોથી વાલીઓ પરેશાન

દરેક શાળાના પોતાના નિયમો અને કાયદા હોય છે, જેનું પાલન વિદ્યાર્થીઓ અને વાલીઓએ કરવું પડે છે. આ નિયમો શાળામાં શિસ્ત જાળવવા માટે કરવામાં આવે છે. પરંતુ ક્યારેક સ્કૂલ મેનેજમેન્ટ આવા વિચિત્ર નિયમો બનાવે છે. જેના પર વિવાદ થયો છે.

ઈંગ્લેન્ડના નોટિંગહામની એક શાળાએ આ પ્રકારના નિયમો બનાવવા અંગે ચર્ચામાં છે. શાળા સંચાલનના નવા નિયમો અંગે ધોરણ 10ના વિદ્યાર્થીની માતાનો ગુસ્સો સાતમા આસમાને પહોંચી ગયો છે. હવે આ મહિલા શાળા સામે કડક પગલાં લેવાનું વિચારી રહી છે.

એક મીડિયા રિપોર્ટ અનુસાર આ મામલો નોટિંગહામમાં બુલવેલ એકેડેમીનો છે. અહીં 14 વર્ષની બાળકીની માતા શાળા દ્વારા બનાવેલા નવા નિયમોથી ખૂબ જ પરેશાન છે. મહિલાએ શાળાને ‘લશ્કરી શાસન’ અને નકામી ગણાવી છે. શાળાના નવા નિયમો મુજબ બાળકોને ટોયલેટ જવા માટે ડોક્ટર પાસેથી પ્રિસ્ક્રિપ્શન લાવવાનું કહેવામાં આવ્યું છે. સ્કૂલ મેનેજમેન્ટનું કહેવું છે કે કોઈપણ વિદ્યાર્થી જેણે લંચ પહેલા અને પછી ટોયલેટ જવું હોય, તેણે ડોક્ટર દ્વારા લખાયેલ પ્રિસ્ક્રિપ્શન પણ લાવવું જોઈએ.

એક વિદ્યાર્થીની માતાને આ નિયમની જાણ થતાં જ તેનો ગુસ્સો સાતમા આસમાને પહોંચી ગયો છે. આ મહિલા શાળાના નિયમોથી ખૂબ જ ગુસ્સે છે. મહિલાનું કહેવું છે કે આ નિયમ શાળામાં અભ્યાસ કરતી છોકરીઓ માટે ખૂબ જ અપમાનજનક છે.

નામ ન આપવાની શરતે વિદ્યાર્થીની માતાએ સ્થાનિક મીડિયાને જણાવ્યું હતું કે શાળામાં બાળકો પર વિચિત્ર નિયમો લાદીને તેમને માનસિક ત્રાસ આપવામાં આવી રહ્યો છે, જે ખૂબ જ ખોટું છે. માત્ર મારી પુત્રી જ નહીં, પરંતુ શાળામાં અભ્યાસ કરતા બાકીના બાળકો પણ આવા નિયમોથી હેરાન થતા હશે. આ મહિલા કહે છે કે ઘણા લોકોને ડોક્ટર પાસેથી બનાવેલ પ્રિસ્ક્રિપ્શન મેળવવા માટે હજાર રૂપિયા સુધી ચૂકવવા પડે છે.

મહિલાનું કહેવું છે કે પીરિયડ્સના દિવસો દરમિયાન છોકરીઓએ ચાલુ ક્લાસે ટોયલેટમાં જવું પડે છે. દર વખતે શાળા પ્રશાસન નવા ફોર્મ માટે પૂછે છે. મહિલાનું કહેવું છે કે એક વખત બનાવેલું ફોર્મ મેળવવા માટે તેને 3 હજાર રૂપિયા ચૂકવવા પડ્યા હતા. તેનાથી પરેશાન થઈને હવે આ મહિલા શાળા સામે પગલાં લેવાનું વિચારી રહી છે.

ALSO READ

Related posts

નીતિશ ફરી બનશે સીએમ / આરજેડી અને કોંગ્રેસને મળશે ડેપ્યુટી સીએમનું પદ, આ છે સત્તાની નવી ફોર્મ્યુંલા

Hardik Hingu

કિયારા અડવાણીએ શાહિદ કપૂરના થપ્પડ મારવાના સીન પર કર્યો ખુલાસો, રિલેશનશીપ પર કહી દીધી આ મોટી વાત

GSTV Web Desk

સરકારની મોટી તૈયારી / ટેક કંપનીઓની નહીં ચાલે મનમાની, માત્ર બે પ્રકારના જ ચાર્જરનો ઉપયોગ થશે

Hardik Hingu
GSTV