ભારતીય ક્રિકેટ સેન્સેશન વૈભવ સૂર્યવંશીએ ખૂબ જ નાની ઉંમરે વધુ એક ઐતિહાસિક રેકોર્ડ બનાવ્યો છે, જે ફક્ત ક્રિકેટ પૂરતો મર્યાદિત નથી, પરંતુ ભારતીય રમતગમતના ઈતિહાસમાં અંકિત થયો છે.
સોર્સ : Google
ભારતે એશિયન ગેમ્સ 2026ની મેન્સ ક્રિકેટ ફાઈનલમાં પાકિસ્તાનને હરાવીને ગોલ્ડ મેડલ જીત્યો હતો. આ સાથે વૈભવ એશિયન ગેમ્સના ઈતિહાસમાં ગોલ્ડ મેડલ જીતનાર સૌથી નાની ઉંમરનો ભારતીય ખેલાડી બન્યો છે.
સોર્સ : Google
માત્ર 15 વર્ષ, 6 મહિના અને 10 દિવસની ઉંમરે પોડિયમની ટોચ પર ઊભા રહીને, વૈભવ સૂર્યવંશીએ સ્ટાર શૂટર સૌરભ ચૌધરીના આઠ વર્ષ જૂના રેકોર્ડને તોડી નાખ્યો છે.
સોર્સ : Google
અગાઉ આ રેકોર્ડ શૂટર સૌરભ ચૌધરી પાસે હતો, જેણે 2018 એશિયન ગેમ્સમાં 16 વર્ષની ઉંમરે 10-મીટર એર પિસ્તોલ ઈવેન્ટમાં ગોલ્ડ મેડલ જીત્યો હતો.
સોર્સ : Google
વૈભવ સૂર્યવંશી કોઈપણ એશિયન ગેમ્સમાં ભારતનો બીજો સૌથી નાની ઉંમરનો મેડલ જીતનાર ખેલાડી છે. આ રેકોર્ડ સ્પીડ સ્કેટર સંજના બાથુલા પાસે છે, જેણે 15 વર્ષ, 3 મહિના અને 11 દિવસની ઉંમરે હાંગઝોઉ 2023માં વિમેન્સ સ્પીડ સ્કેટિંગ 3000 મીટર રિલેમાં બ્રોન્ઝ મેડલ જીત્યો હતો.
સોર્સ : Google
વૈભવ પાસેથી પાકિસ્તાન સામેની ટાઈટલ મેચમાં મોટી ઈનિંગ રમવાની અપેક્ષા હતી, પરંતુ તે ફાઈનલમાં અપેક્ષાઓ પર ખરા ઉતરવામાં નિષ્ફળ ગયો. તેણે ઈનિંગની શરૂઆતમાં જ વિસ્ફોટક ફોર્મ બતાવ્યું, 9 બોલમાં 15 રન બનાવ્યા. જોકે, ત્રીજી ઓવરમાં પાકિસ્તાની ઓલરાઉન્ડર સેમ આયુબે તેને આઉટ કર્યો.
સોર્સ : Google
ભારતીય ટીમે 20 ઓવરમાં 211 રનનો વિશાળ સ્કોર બનાવ્યો. 212 રનના વિશાળ લક્ષ્યનો પીછો કરતા પાકિસ્તાની ટીમ 20 ઓવરમાં 6 વિકેટે માત્ર 192 રન જ બનાવી શકી. ભારતે 19 રનથી મેચ જીતી અને એશિયન ગેમ્સના મેન્સ ક્રિકેટમાં ગોલ્ડ મેડલ જીત્યો.