વિશ્વના ત્રીજા નંબરના સૌથી અમીર વ્યક્તિ વોરેન બફેટ સાથે લંચ કરવા માટે એક અજાણ્યો વ્યક્તિ ચેરિટી સંસ્થાને 32 કરોડ રૂપિયા ચુકવશે. બફેટ સાથે લંચ કરવા માટે વેબસાઈટ ઈબે પર સમાપ્ત થયેલ પાંચ દિવસીય હરાજીમાં 32 કરોડ રૂપિયાની સૌથી મોટી બોલી લાગી હતી.
જે 2012 અને 2016 દરમિયાન લાગેલ રેકોર્ડ બોલીઓ કરતાં પણ વધુ છે. હરાજી દ્વારા મળનાર રકમને સેન ફ્રાન્સિસ્કોનાં ટેંડરલોઈન સ્થિત ગ્લાઈડ ફાઉન્ડેશનને આપવામાં આવશે. આ ફાઉન્ડેશન ગરીબો, બેઘરો તેમજ નશાના વ્યસન સામે ઝઝૂમી રહેલ લોકોની મદદ માટે કામ કરે છે.
બર્કશાયર હેથવે ઈંકના ચેરમેન વોરેન બફેટ છેલ્લાં 20 વર્ષમાં આ પ્રકારની બોલીઓથી 3.42 કરોડ ડોલરની રકમ એકત્ર કરી ચુક્યા છે. વર્ષ 2000થી વોરેન બફેટ સાથે લંચ કરવા માટે પ્રતિવર્ષ બોલીઓ લાગે છે. બફેટનાં પ્રથમ પત્ની સુસાને તેમને ગ્લાઈડ ફાઉન્ડેશન વિશે જણાવ્યું હતું. સુસાનનું 2004માં અવસાન થયું હતું. હરાજી પૂર્ણ થયા બાદ ગ્લાઈડના પ્રેસિડેન્ટ કરેન હનરાહને જણાવ્યું હતું કે વોરેન બફેટ ખુબ રોમાંચિત છે. અમે તેમની સાથે વાત કરી છે. તેઓએ આ હરાજી ત્યાં સુધી ચાલુ રાખવાની પ્રતિબદ્ધતા દર્શાવી છે જ્યાં સુધી તેઓ સક્ષમ છે. હરાજીમાં જીત મેળવનાર અને તેમનાં સાત મિત્રો મેનહટનના સ્મિથ વોલેન્સકી સ્ટિકહાઉસમાં બફેટ સાથે લંચ કરી શકે છે. આ દરમિયાન તેઓ બફેટને આગામી રોકાણ સિવાય કોઈપણ મુદ્દા પર ચર્ચા કરી શકે છે.
READ ALSO
- BSFએ ગેરકાયદે સીમા ઓળંગવના આરોપમાં 5 બાંગ્લાદેશીઓ અને 12 ભારતીયોને ઝડપી લીધા
- પોલીસ દ્વારા કોંગી નેતાઓની અટકાયત, કૃષિ બિલના વિરોધમાં મંજૂરી વિના કોંગ્રેસના ધરણા
- બિહાર: ભાજપના ફ્રી કોરોના વેક્સિનના વચન સામેની ફરિયાદમાં ECએ આપ્યો નિર્ણય, આચારસંહિતાનું કોઈ ઉલ્લંઘન નહીં
- RIL-ફ્યુચર ડીલ પર ઘેરાતા સંકટના વાદળો, Amazonએ ખખડાવ્યો સેબીનો દરવાજો
- ફ્રાન્સમાં કાર્ટુન સામેના વિરોધના પડઘા વડોદરામાં પણ પડયા, આ વિસ્તારોમાં ફ્રાન્સ વિરોધી પોસ્ટર લાગ્યા