અમેરિકન પ્રમુખ જો બાઇડેને અમેરિકન કંપનીઓને ચેતવણી આપી છે કે યુક્રેનનું યુદ્ધ જારી છે ત્યારે તેઓના અત્યંત મહત્ત્વના આઇટી ઇન્ફ્રાસ્ટ્રક્ચર પર રશિયા સાઇબર હુમલો કરી શકે છે.
બાઇડેનના ટોચના સાઇબર સિક્યોરિટી સહાયક એન ન્યુબર્ગરે વ્હાઇટ હાઉસમાં તે બાબત અંગે નિરાશા વ્યક્ત કરી છે કે કેટલીક અમેરિકન કંપનીઓએ સરકારની ચેતવણીની અવગણના કરી છે. આ કંપનીઓ જો તેમના સોફ્ટવેરમાં સુધારો નહીં કરે તો તે રશિયાના સાઇબર હુમલાનો ભોગ બની શકે છે.
આ પ્રકારે વારંવાર અપાતી ચેતવણીઓની અવગણના કરવામાં આવતા આપણે જોઈેએ છીએ કે તેના વિપરીત પરિણામ આવી શકે છે. આપણી સિસ્ટમ્સની ખામીઓનો તેઓ ફાયદો ઉઠાવી શકે છે. તેના લીધે હુમલાખોર માટે હુમલો કરવો અત્યંત સરળ થઈ પડશે.
સાઇબર સિક્યોરિટી અને ઇન્ફ્રાસ્ટ્રક્ચર સિક્યોરિટી એજન્સીએ શીલ્ડસ અપ કેમ્પેઇન શરૂ કર્યુ છે. તેનું ધ્યેય કંપનીઓ તેનું ડિફેન્સ મજબૂત બનાવે અને ડેટા બેકઅપ તૈયાર રાખે તે છે.આ ઉપરાંત પ્રમાણભૂતતાને અનેકવિધ પ્રકારની બનાવવા અને તથા સાઇબર હાઇજિન સુધારવા પગલાં લેવા જણાવ્યું છે. ન્યુબર્ગરે જણાવ્યું હતું કે રશિયા અમેરિકાના એકમો પર સાઇબર હુમલા કરે તેવી કોઈ ચેતવણી મળી નથી, પણ હાલના સંજોગોમાં આ પ્રકારની ચેતવણીની રાહ જોઈ બેસી ન શકાય. તેના માટેની તૈયારીઓ તો શરૂ કરી દેવી પડે.
બાઇડેને જણાવ્યું હતું કે અમેરિકાએ રશિયા પર જે પ્રકારના આર્થિક પ્રતિબંધો લાદ્યા તેના વિરોધમાં રશિયા તેમના પર સાઇબર હુમલો કરે તેવી સંભાવના પ્રભળ બની ગઈ છે. યુક્રેન યુદ્ધના પગલે અમેરિકા અને તેના યુરોપીયન સહયોગીઓએ પુતિન પર સંખ્યાબંધ પ્રતિબંધ લાદ્યા છે.
Read Also
- મહત્વનો નિર્ણય / નાઇટ શિફ્ટ માટે મહિલાઓની સંમતિ લેવી પડશે, સરકારી અને ખાનગી ક્ષેત્ર બંને પર થશે લાગુ આ નિયમ
- મોંઘવારી સામે લડવા ઓઈલ કંપનીઓ પાસે વધુ ટેક્સ વસૂલવા સરકારની તૈયારી
- રશિયા-યુક્રેન યુદ્ધને કારણે ભારતીય ઓઈલ કંપનીઓના ડિવિડન્ડના રૂ. 1000 કરોડ અટવાયા
- પૈસા ખર્ચ્યા વિના જુઓ વેબ સિરીઝ અને ફિલ્મ, આ એપ છે બિલકુલ ફ્રી, નેટફ્લિક્સ, એમેઝોન પ્રાઇમને પણ ભૂલી જશો
- એન્ડ્રોઇડ યુઝર્સ સાવધાન! / ખતરનાક મેલવેયર વાયરસ ઈઝ બેક, જાણો કંઈ રીતે પહોંચે છે તમારા સ્માર્ટફોનમાં