યુક્રેન પર રશિયાના હુમલા બાદ અહીં ખળભળાટ મચી ગયો છે. જુદા જુદા શહેરોમાં અફરા તફરી ભર્યો માહોલ સર્જાયો છે. અહીંની મોટાભાગની કરિયાણાની દુકાનોમાં સામાન ખતમ થવા લાગ્યો છે. દુકાનો હોય કે શોપિંગ મોલ. તમામ સ્થળોએ લોકોની લાંબી કતારો જોવા મળી છે. લોકો ભયભીત છે કે યુદ્ધ લાંબા સમય સુધી ચાલશે તો તેમની સામે ભૂખમરાની સ્થિતિ ઉત્પન્ન થશે. એવી ઘણી જગ્યાઓ છે જ્યાં દુકાનોમાંથી સામાન ન મળતાં લોકોએ લૂંટવાનું શરૂ કર્યું હતું.
પ્રત્યક્ષદર્શીઓના જણાવ્યા અનુસાર, હુમલા બાદ રસ્તાઓ પર કોઈ પોલીસ નથી. જેના કારણે કાયદો અને વ્યવસ્થાનો પ્રશ્ન ઉભો થયો છે. એક રીતે અહીં સંપૂર્ણ હોબાળો મચી ગયો છે. આ જ કારણે લોકો બંધ દુકાનોમાં પણ લૂંટનો પ્રયાસ કરી રહ્યા છે. અહીં સરકાર સામે પણ ભારે રોષ જોવા મળી રહ્યો છે. છેલ્લા થોડા દિવસોથી યુક્રેનમાં જે સ્થિતિ જોવા મળી હતી તેના કારણે ઘણા લોકોના ઘરોમાં પહેલેથી જ ખોરાકની અછત છે. તેમણે આશા વ્યક્ત કરી હતી કે વાતચીત દ્વારા મામલો ઉકેલાશે.
રશિયાએ ગુરુવારે સવારે યુક્રેન પર હુમલો કરવાનું શરૂ કર્યું, જે બાદ યુક્રેન ભારતની મદદ માંગી રહ્યું છે. ભારતમાં યુક્રેનના રાજદૂત ડો. ઇગોર પોલિખાએ થોડા સમય પહેલા વડાપ્રધાન નરેન્દ્ર મોદીને હસ્તક્ષેપ માટે વિનંતી કરી હતી. હવે ફરી એકવાર તેણે ભારતને મદદ માટે અપીલ કરી છે. ભારતના મહાન રાજનેતા ચાણક્ય અને મહાભારતનું ઉદાહરણ આપતા, ઇગરે ભારતને એક મજબૂત વૈશ્વિક શક્તિ તરીકે યુક્રેનને મદદ કરવા કહ્યું.
પત્રકારો સાથે વાત કરતાં તેમણે કહ્યું, ‘તમને ચાણક્ય જેવો ખૂબ જ બુદ્ધિશાળી વ્યક્તિ મળ્યો છે. લગભગ બે હજાર ચારસો વર્ષ પહેલાં યુરોપમાં કોઈપણ પ્રકારની સભ્યતાનો વિકાસ થયો ન હતો ત્યારે પણ ભારત પાસે સારી કૂટનીતિ હતી.
મહાભારત વિશે વાત કરતાં તેમણે આગળ કહ્યું, ‘હવે તમારા સ્થળની પૌરાણિક કથા વિશે વાત કરીએ.
મહાભારત યાદ રાખો… કહેવાય છે કે મહાભારતના યુદ્ધને રોકવા માટે શાંતિ મંત્રણા પણ થઈ હતી, યુદ્ધ રોકવાના પ્રયાસો થયા હતા. કમનસીબે, મહાભારતના યુદ્ધને રોકવામાં શાંતિ મંત્રણા બહુ સફળ રહી ન હતી, પરંતુ મને આશા છે કે આપણા કિસ્સામાં શાંતિ મંત્રણા ઘણી સફળ થશે.
ભારતના બિનજોડાણ અંગે વાત કરતાં તેમણે કહ્યું, ‘ભૂલશો નહીં કે ભારત ઘણા વર્ષોથી બિન-જોડાણવાદી ચળવળનું નેતૃત્વ કરી રહ્યું છે અને આજે પણ કરી રહ્યું છે. આ ચળવળ શીત યુદ્ધ દરમિયાન શરૂ કરવામાં આવી હતી જેથી તણાવ ઓછો થઈ શકે. તે શાંતિ પર આધારિત હતું.
ભૂલશો નહીં કે ભારત પંચશીલના સિદ્ધાંતોનું પાલન કરે છે. એટલા માટે અમે ભારતને અમારી મદદ કરવા વિનંતી કરીએ છીએ. ભારત એક મજબૂત વૈશ્વિક શક્તિ છે.
આ પહેલા ગુરુવારે ન્યૂઝ એજન્સી ANI સાથેની વાતચીતમાં ઈગર પોલિખાએ કહ્યું હતું કે પીએમ મોદી વિશ્વના સૌથી આદરણીય અને શક્તિશાળી નેતાઓમાંના એક છે.
મદદની અપીલ કરતાં તેમણે કહ્યું હતું કે, ‘અમે આશા રાખીએ છીએ કે મોદીજી આ પ્રસંગે પુતિનને પ્રભાવિત કરવાનો પ્રયાસ કરશે. જો મોદીજી યુક્રેનના સમર્થનમાં કોઈ નિવેદન આપે છે અથવા અમારી મદદ કરે છે તો યુક્રેન તેના માટે ઋણી રહેશે.
યુક્રેનિયન રાજદ્વારીએ કહ્યું કે યુક્રેન શાંતિ પ્રેમી દેશ છે અને તે યુદ્ધ ઈચ્છતો નથી. અમે અમારા તમામ સહયોગીઓને યુદ્ધ રોકવા માટે મદદની અપીલ કરી રહ્યા છીએ.
MUST READ:
- જામજોધપુરમાં ધાર્મિક પ્રસંગ દરમિયાન એક સાથે પાંચ મહિલાના ગળામાંથી સોનાના પાંચ નંગ ચેનની ઝડપની ઘટનાથી ભારે ચકચાર
- પોલિટિક્સ / પંજાબમાં લોકસભા ચૂંટણી અકાળી દળ સાથે લડશે બસપા, માયાવતીએ કર્યું ગઠબંધનનું એલાન
- યુરોપિયન યુનિયનના વડા ઉર્સુલા વોન ડેર લેયેને કિવની લીધી મૂલાકાત, કહી આ વાત, જાણો
- GSTV Exclusive / અમદાવાદના આકાશમાં આ શું દેખાયું?, પરગ્રહવાસીઓ, ધૂમકેતુ કે કંઈ બીજું?
- જામનગરના ઇન્દ્રપ્રસ્થ કોમ્પલેક્ષમાંથી ઇન્ટરનેટના ડિવાઇસની થયેલી ચોરીનો ભેદ ઉકેલાયો