GSTV

અમદાવાદ ક્રાઈમબ્રાન્ચને મળી મોટી સફળતા, ગુમ થયેલા વૃષ્ટી કોઠારી અને શિવમ આ જગ્યાએથી મળી આવ્યા

અમદાવાદમાં ભેદી સંજોગોમાં ગૂમ થયેલા વૃષ્ટી કોઠારી અને શિવમ પટેલના ગૂમ થવાનો કોયડો હવે ઉકેલાય ગયો છે. છેલ્લા ઘણા દિવસોથી પોલીસની ટીમ વૃષ્ટી અને શિવમનું પગેરુ મેળવવા કવાયત કરી રહી હતી. જેમાં ઘણા પ્રયત્નો બાદ અંતે ક્રાઇમબ્રાંચને સફળતા મળી છે. ક્રાઇમબ્રાંચે વૃષ્ટી અને શિવમને ઉત્તર ભારતના પહાડી વિસ્તારમાંથી શોધી કાઢ્યા છે. વૃષ્ટી અને શિવમ મળી ગયા બાદ હવે ક્રાઇમબ્રાંચની ટીમ વૃષ્ટી અને શિવમને લઇને અમદાવાદ આવવા માટે રવાના થઇ ગઇ છે.

નોંધનીય છેકે આ કેસ એટલા માટે હાઇપ્રોફાઇલ બની ગયો હતો. કેમકે વૃષ્ટી કોઠારીના ગૂમ થયા બાદ અભિનેત્રી સોહા અલી ખાને ટ્વીટ કરીને વૃષ્ટીની શોધ કરવા માટે અપીલ કરી હતી. ત્યારથી જ અમદાવાદ પોલીસે આ કેસમાં ગંભીરતા દાખવીને જુદી જુદી ટીમો બનાવીને વૃષ્ટી અને તેની સાથે ગૂમ થયેલા શિવમ પટેલની શોધખોળ આદરી હતી. જેમાં પોલીસને હાથ વૃષ્ટી અને શિવમના સીસીટીવી ફૂટેજ પણ લાગ્યા હતા.

જો કે પોલીસને વૃષ્ટી અને શિવમનું મોબાઇલ લોકેશન મહેસાણા તરફનું મળ્યુ હતું. ત્યારે હવે વૃષ્ટી અને શિવમ ઉત્તર ભારતમાંથી મળી આવ્યા છે. હવે બંનેને અમદાવાદ લાવવામાં આવી રહ્યા છે. ત્યારે વૃષ્ટી અને શિવમ અમદાવાદ આવી જાય ત્યારબાદ આ સમગ્ર બાબતની હકિકત સામે આવશે કે આખરે શા માટે વૃષ્ટી અને શિવમ ઘર છોડીને જતા રહ્યા હતા.

READ ALSO

Related posts

VIDEO/ ઓ બાપ રે, રોડ પર ગાડી લઈને નિકળી પડ્યું આ ટેણિયું, ગાડીઓની કાપી રહ્યું છે સાઈડ

Pravin Makwana

આખરે ક્યારે હટશે રાત્રી કરફયૂ?, ગૃહમંત્રી પ્રદીપસિંહ જાડેજાએ કરી સ્પષ્ટતા

Pritesh Mehta

જાણવા જેવા નિયમો: 2000ની નોટ ફાટી જાય તો બેંક કેટલું આપશે રિફંડ, આ પ્રકારની નોટો બેંક ક્યારેય નહીં સ્વિકારે

Pravin Makwana
Do NOT follow this link or you will be banned from the site!